معلومات چھیتی وکھاؤ

مینیو چھیتی وکھاؤ

یہوواہ دے گواہ

پنجابی (شاہ مُکھی)

گھرانے وچ خوشیاں کیویں آ سکدیاں نیں؟‏

گھرانے وچ خوشیاں کیویں آ سکدیاں نیں؟‏

ایہدے لئی کیہہ ضروری اے؟‏

  • پیار؟‏

  • پیسہ؟‏

  • یاں کوئی ہور چیز؟‏

 پاک کلام دی صلا‌ح

خوش نیں اوہ جیہڑ‌ے خدا دا کلام سُن دے تے اوہدے تے عمل کر دے نیں۔‏—‏لُوقا 11:‏28‏۔‏

ایس صلا‌ح تے چل کے تواڈے گھرانے وچ .‏ .‏ .‏

سچا پیار ہووے گا۔‏—‏اِفسیوں 5:‏28،‏ 29‏۔‏

ہر کوئی اِک دُوجے دی دلوں عزت کرے گا۔‏—‏اِفسیوں 5:‏33‏۔‏

سُکھ چین ہووے گا۔‏—‏مرقس 10:‏6-‏9‏۔‏

 اَسی پاک کلام دی صلا‌ح تے یقین کیوں کر سکنے آں؟‏

دو گلاں تے غور کرو:‏

  • خدا نے خاندان دی بنیاد رکھی اے۔‏ پاک کلام وچ دسیا گیا اے کہ یہوواہ خدا نے آدم تے حوا نوں شادی دے بندھن وچ جوڑیا سی۔‏ (‏پیدایش 2:‏18-‏24‏)‏ ایس توں پتہ چلدا اے کہ خاندان دا انتظام یہوواہ خدا نے شروع کیتا اے۔‏ ایس گل نوں سمجھنا کیوں ضروری اے؟‏

    فرض کرو کہ تُسی بوہت مزیدار بریانی کھا رہے او تے تُسی اینہوں پکا‌ن دا طریقہ جاننا چاہندے او۔‏ ایہدے بارے تُسی کنہوں پچھو گے؟‏ ظاہری گل اے کہ تُسی اوہنوں پچھو گے جنہے بریانی بنائی اے۔‏

    ایسے طرحاں جے اَسی ایہہ جاننا چاہنے آں کہ گھرانے وچ خوشیاں کیویں آ سکدیاں نیں تے سانوں خاندان دی بنیاد رکھن والے یعنی یہوواہ خدا توں صلا‌ح لینی چاہیدی اے۔‏

  • خدا نوں تواڈی فکر اے۔‏ خدا اپنے کلام دے ذریعے پیار بھری صلا‌ح دیندا اے۔‏ یہوواہ خدا دی رہنمائی تے چلنا ہر گھرانے لئی فائدے مند کیوں اے؟‏ ایس لئی کہ پاک کلام وچ دسیا گیا اے کہ خدا نوں تواڈی فکر اے۔‏ (‏1-‏پطرس 5:‏6،‏ 7‏)‏ یہوواہ خدا ہمیشاں تواڈا بھلا چاہندا اے تے اوہدی صلا‌ح ہمیشاں فائدےمند ہوندی اے۔‏—‏امثال 3:‏5،‏ 6؛‏ یسعیاہ 48:‏17،‏ 18‏۔‏

 ذرا ایس سوال تے غور کرو

میاں،‏ بیوی یاں ماں پیو دے طور تے تُسی اپنیاں ذمےداریاں چنگی طرحاں کیویں نبھا سکدے او؟‏

پاک کلام وچوں ایہدا جواب جانن لئی ایہہ حوالے پڑھو:‏ اِفسیوں 5:‏1،‏ 2 تے کُلسّیوں 3:‏18-‏21‏۔‏