معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

نوجواناں دے 10 سوال تے ایہناں دے جواب

 سوال 3

مَیں اپنے امی ابو نال گل کیویں کراں؟‏

مَیں اپنے امی ابو نال گل کیویں کراں؟‏

یاد رکھو

اپنے امی‌ابو نال تواڈا رشتہ جِناں چنگا ہووے گا اوناں ای تواڈی زندگی چ سکون ہووے گا۔‏

تُسی کیہہ کر دے؟‏

فرض کرو ایہہ بدھ دی شام دا ویلا اے۔‏ 17 سالاں دا جیفری اپنا کم‌کار ختم کر کے تھوڑا سکون کرن لئی صوفے تے بیٹھ گیا اے تے اوہنے ٹی‌وی آن کر لیا اے۔‏

اوسے ویلے اوہدے ابو آؤندے نیں تے جیفری نُوں ویکھ کے غصے چ آ جاندے نیں۔‏

اوہ کہندے نیں:‏ ”‏جیفری!‏ تینوں مَیں کہیا سی اپنے نکے بھرا نُوں ہوم ورک کرائیں۔‏ تُوں ایتھے بیٹھا ٹائم ضائع کر رہیا ایں۔‏ تُوں تے کدی گل ای نئیں من دا۔‏“‏

‏”‏فیر اوہی سیاپا۔‏“‏ جیفری ہولی جہی بڑبڑاؤندا اے پر فیر وی اوہدے ابو سُن لیندے نیں۔‏

ابو تھوڑا اَگے ہو کے کہندے نیں:‏ ”‏کیہہ کہیا ای منڈُیا؟‏“‏

‏”‏مَیں تے کجھ نئیں کہیا۔‏“‏ جیفری اکھاں گھما کے کہندا اے۔‏

ہُن ابو ہور وی غصے چ آ جاندے نیں تے کہندے نیں:‏ ”‏کیویں گل کر رہیا ایں،‏ تینوں بولن دی تمیز نئیں!‏“‏

جے تُسی جیفری دی تھاں ہوندے تے کیہہ کر دے؟‏

ذرا ٹھہرو تے سوچو!‏

جے گڈی چلاؤندیاں راہ چ کوئی رُکاوٹ آ جائے تے تُسی کوئی ہور راہ لبھ لیندے او۔‏ ایسے طرحاں جے ماں پیو نال گل کرن دا اِک طریقہ نہ چلے تے کوئی ہور طریقہ لبھو۔‏

 مثال:‏

اِک کُڑی لیاہ کہندی اے:‏ ”‏مینوں اپنے ابو نال گل کرنا بڑا مشکل لگدا اے۔‏ کدی کدی جدوں مَیں اوہناں نُوں کجھ کہنی آں تے مینوں اِنج لگدا اے جیویں اوہ میری گل سُن رہے نیں۔‏ پر تھوڑی دیر بعد اوہ مینوں پچھدے نیں،‏ ”‏کیہہ تُوں میرے نال گل کر رہی ایں؟‏“‏“‏

لیاہ کول تِن آپشن نیں۔‏

  1. زور زور دی چیخے۔‏

    اوہ اپنے ابو نُوں اُچی اُچی کہوے کہ ”‏مینوں تواڈے نال کوئی ضروری گل کرنی اے۔‏ تُسی میری سُن دے کیوں نئیں۔‏“‏

  2. گل کرنی بند کر دوے۔‏

    اوہ اپنے ابو نال اپنے مسئلے بارے کوئی وی گل نہ کرے۔‏

  3. چنگے موقعے دا اِنتظار کرے۔‏

    اوہ کسے ہور ویلے اپنے ابو نال گل کرے یاں اپنے مسئلے بارے اوہناں نُوں اِک خط لکھے۔‏

تواڈے خیال وچ لیاہ نُوں کیہڑا آپشن چُننا چاہیدا اے؟‏

ذرا غور کرو:‏ لیاہ دا ابو اپنے کماں وچ ایناں مصروف اے کہ اوہنوں پتہ ای نئیں کہ اوہدی دھی کِنّی پریشان اے۔‏ جے لیاہ آپشن A چُن دی اے تے اوہدا ابو نئیں سمجھ پائے گا کہ اوہ کیوں چیخ رہی اے۔‏ ایہدی وجہ توں اوہدا ابو اوہدی گل تے دھیان نئیں دوے گا تے ایس توں ایہہ وی پتہ چلے گا کہ لیاہ اپنے ابو دی عزت نئیں کر دی۔‏ (‏اِفسیوں 6:‏2‏)‏ ایس آپشن توں اوہناں دونواں نُوں کوئی فائدہ نئیں ہووے گا۔‏

جے رستہ بند ہووے تے تُسی سفر کرنا چھڈ نئیں دیندے۔‏ ایسے طرحاں جے ماں پیو نال گل کرن دی اِک راہ بند ہووے تے اوہناں نال گل کرنا نہ چھڈو۔‏

آپشن B آسان اے پر ایہنوں چُننا سمجھ‌داری والی گل نئیں اے۔‏ جے لیاہ نُوں واقعی اپنے ابو دی مدد دی لوڑ اے تے فیر اوہنوں اپنے ابو نال کُھل کے گل کرنی چاہیدی اے۔‏ نالے اوہدا ابو اوہدوں ای اوہدی مدد کر سکے گا جدوں اوہنوں پتہ ہووے گا کہ اوہدی دھی تے کیہہ بیت رہی اے۔‏ ایس لئی چپ وٹ لینا مسئلے دا حل نئیں۔‏

جے لیاہ آپشن C چُن دی اے تے اوہ اپنے ابو نال گل کرن دی راہ کُھلی رکھے گی۔‏ اوہ کسے چنگے ویلے اپنے ابو نُوں اپنا مسئلہ دسے گی۔‏ تے جے اوہ ایہدے بارے خط لکھے گی تے اوہدا دل فوراً ہولا ہو جاوے گا۔‏

خط لکھ کے اوہ اپنے دل دی گل زیادہ چنگی طرحاں دس سکے گی۔‏ جدوں اوہدا ابو خط پڑھے گا تے اوہ لیاہ دی گل نُوں چنگی طرحاں سمجھ جائے گا۔‏ ایس لئی آپشن C دا دونواں نُوں فائدہ ہووے گا۔‏ لیاہ بھانویں آموں سامنے گل کرے یاں خط لکھے،‏ ایس طرحاں اوہ پاک کلام دے مشورے مطابق صلح نُوں قائم رکھے گی۔‏—‏رومیوں 14:‏19‏۔‏

لیاہ کول ہور کیہڑے آپشن نیں؟‏

کوئی آپشن سوچ کے تھلے لکھو۔‏ فیر لکھو کے اوس آپشن دا کیہہ نتیجہ نکلے گا۔‏

 سوچ سمجھ کے گل کرو

یاد رکھو کہ ضروری نئیں کہ تواڈے امی‌ابو تواڈیاں گلاں دا اوہی مطلب لین جو تُسی کہنا چا رہے او۔‏

مثال:‏

تواڈے امی‌ابو توانوں پچھدے نیں کہ تواڈا موڈ ایناں خراب کیوں اے۔‏ تُسی کہندے او،‏ ”‏مَیں ایہدے بارے کوئی گل نئیں کرنا چاہندا۔‏“‏

تواڈے امی‌ابو تواڈی گل دا ایہہ مطلب لیندے نیں:‏ ”‏مینوں تواڈے تے بھروسا نئیں۔‏ مَیں اپنے مسئلے بارے اپنے دوستاں نال گل کراں گا پر تواڈے نال نئیں۔‏“‏

فرض کرو توانوں کوئی مسئلہ اے تے تواڈے امی‌ابو تواڈی مدد کرنا چاہندے نیں پر تُسی کہندے او:‏ ”‏توانوں پریشان ہون دی کوئی لوڑ نئیں۔‏ مَیں اپنا مسئلہ آپے ای حل کر لواں گا۔‏“‏

  • ہو سکدا اے کہ تواڈے امی‌ابو تواڈی گل دا ایہہ مطلب لین:‏

  • چنگا ہوندا تُسی ایہہ کہندے:‏