کیہہ دُنیا دے حالات .‏ .‏ .‏

  • انج ای چلدے رہن گے؟‏

  • ہور وگڑ دے جان گے؟‏

  • سدُھر جان گے؟‏

 پاک کلام دا وعدہ

خدا اوہناں دیاں اکھاں توں ہر آنسو پونجھ دوے گا تے فیر کوئی نئیں مرے گا۔‏ نہ ای سوگ منایا جائے گا،‏ نہ ای کوئی روئے گا تے کسے نوں کوئی دکھ درد نئیں ہوئے گا۔‏ پرانیاں گلاں ختم ہو چکیاں نیں۔‏—‏مکا‌شفہ 21:‏3،‏ 4‏۔‏

ایس وعدے تے یقین کر کے مستقبل وچ توانوں .‏ .‏ .‏

اپنی محنت دا صلہ ملے گاتے کم کر کے خوشی ملے گی۔‏—‏یسعیاہ 65:‏21-‏23‏۔‏

ہر طرحاں دی بیماری تے دُکھ تکلیف توں چھٹکا‌رہ ملے گا۔‏—‏یسعیاہ 25:‏8؛‏ 33:‏24‏۔‏

اپنے خاندان تے دوستاں نال ہمیشاں تک زندہ رہن دی برکت ملے گی۔‏—‏زبور 37:‏11،‏ 29‏۔‏

 اَسی پاک کلام دے وعدے تے یقین کیوں کر سکنے آں؟‏

دو گلاں تے غور کرو:‏

  • خدا کول اپنے وعدے پورے کرن دی طاقت اے۔‏ پاک کلام وچ صرف یہوواہ خدا نوں ای قادرِ مطلق کہیا گیا اے کیونکہ اوہدی طاقت دی کوئی حد نئیں۔‏ (‏مکا‌شفہ 15:‏3‏)‏ ایس لئی اوہ اپنے وعدے دے مطابق دُنیا دے حالات سدُھار سکدا اے۔‏ پاک کلام وچ لکھیا اے کہ خدا لئی سب کجھ ممکن اے۔‏—‏متی 19:‏26‏۔‏

  • خدا اپنے وعدے پورے کرن دی دلی خواہش رکھدا اے۔‏ مثال دے طور تے پاک کلام وچ لکھیا اے کہ یہوواہ خدا مردیاں نوں زندہ کرن لئی بے تاب اے۔‏—‏ایوب 14:‏14،‏ 15‏۔‏

    پاک کلام سانوں ایہہ وی دسدا اے کہ یسوع مسیح نے بیماراں نوں شفا دِتی کیونکہ اوہ لوکاں دی دلوں مدد کرنا چاہندے سن۔‏ (‏مرقس 1:‏40،‏ 41‏)‏ یسوع مسیح ہمیشاں یہوواہ خدا دی مرضی دے مطابق کم کر دے سن۔‏ ایس توں پتہ چلدا اے کہ خدا وی دُکھی لوکاں دی مدد کرنا چاہندا اے۔‏—‏یوحنا 6:‏38‏۔‏

    ایس لئی اَسی یقین رکھ سکنے آں کہ یہوواہ خدا تے یسوع مسیح دونویں چاہندے نیں کہ ساڈا مستقبل روشن ہووے۔‏—‏زبور 72:‏12-‏14؛‏ 145:‏16؛‏ 2-‏پطرس 3:‏9‏۔‏

 ذرا ایس سوال تے غور کرو

خدا دُنیا دے حالات کیویں سدُھارے گا؟‏

پاک کلام وچوں ایہدا جواب جانن لئی ایہہ حوالے پڑھو:‏ متی 6:‏9،‏ 10 تے دانی‌ایل 2:‏44‏۔‏