معلومات چھیتی وکھاؤ

مینیو چھیتی وکھاؤ

یہوواہ دے گواہ

پنجابی (شاہ مُکھی)

کیہہ ساڈے مرے ہوئے عزیز دبارہ زندہ ہون گے؟‏

کیہہ ساڈے مرے ہوئے عزیز دبارہ زندہ ہون گے؟‏

تواڈے خیال وچ .‏ .‏ .‏

  • ہاں؟‏

  • نئیں؟‏

  • شاید؟‏

 پاک کلام دا وعدہ

مُردے زندہ ہون گے۔‏—‏یسعیاہ 26:‏19‏۔‏

ایس وعدے تے یقین کر کے توانوں .‏ .‏ .‏

اپنے عزیز دی موت دے غم توں تسلی ملے گی۔‏—‏2-‏کُرنتھیوں 1:‏3،‏ 4‏۔‏

موت دے خوف توں آزادی ملے گی۔‏—‏عبرانیوں 2:‏15‏۔‏

اپنے فوت ہو چکے عزیزاں نال زمین تے دبارہ کٹھے رہن دی امید ملے گی۔‏—‏یوحنا 5:‏28،‏ 29‏۔‏

 اَسی پاک کلام دے وعدے تے یقین کیوں کر سکنے آں؟‏

تِن گلاں تے غور کرو:‏

  • خدا نے زندگی دی شروعات کیتی اے۔‏ پاک کلام وچ لکھیا اے کہ یہوواہ خدا زندگی دا چشمہ اے۔‏ (‏زبور 36:‏9؛‏ اعمال 17:‏24،‏ 25‏)‏ خدا لئی کسے مرے ہوئے نوں دبارہ زندہ کرنا کوئی اوکھا کم نئیں کیونکہ اوہنے ای ہر اِک جیوندی شے نوں زندگی دِتی اے۔‏

  • خدا نے پہلے وی مُردیاں نوں زندہ کیتا اے۔‏ پاک کلام وچ اَٹھ لوکاں بارے دسیا گیا اے جنہاں نوں خدا نے زمین اُتے زندہ کیتا سی۔‏ ایہناں وچ مرد،‏ عورت،‏ بچے تے بڈھے شامل سن۔‏ کجھ نوں مریاں تے حالے تھوڑی ای دیر ہوئی سی پر اِک آدمی تے چار دِناں توں قبر وچ سی۔‏—‏یوحنا 11:‏39-‏44‏۔‏

  • خدا دی دلی تمنا اے کہ اوہ مُردیاں نوں زندہ کرے۔‏ یہوواہ خدا موت توں نفرت کردا اے تے اینہوں اِک دُشمن خیال کر دا اے۔‏ (‏1-‏کُرنتھیوں 15:‏26‏)‏ اوہ مُردیاں نوں زندہ کر کے ایس دُشمن تے فتح پان لئی بے تاب اے۔‏ یہوواہ خدا دی دلی آرزو اے کہ اوہناں سارے مُردیاں نوں زمین تے دبارہ زندہ ہویاں ویکھے جیہڑ‌ے اوہدی یاد وچ وسدے نیں۔‏—‏ایوب 14:‏14،‏ 15‏۔‏

 ذرا ایس سوال تے غور کرو

انسان کیوں بڈھے ہوندے تے مر جاندے نیں؟‏

پاک کلام وچوں ایہدا جواب جانن لئی ایہہ حوالے پڑھو:‏ پیدایش 3:‏17-‏19 تے رومیوں 5:‏12‏۔‏