معلومات چھیتی وکھاؤ

مینیو چھیتی وکھاؤ

یہوواہ دے گواہ

پنجابی (شاہ مُکھی)

کیہہ دکھ درد کدی ختم ہون گے؟‏

کیہہ دکھ درد کدی ختم ہون گے؟‏

تواڈا کیہہ خیال اے .‏ .‏ .‏

  • ہاں؟‏

  • نئیں؟‏

  • شاید؟‏

 پاک کلام دا وعدہ

خدا اوہناں دیاں اکھاں توں ہر آنسو پونجھ دوے گا تے فیر کوئی نئیں مرے گا۔‏ نہ ای سوگ منایا جائے گا،‏ نہ ای کوئی روئے گا تے کسے نوں کوئی دکھ درد نئیں ہوئے گا۔‏—‏مکا‌شفہ 21:‏3،‏ 4‏۔‏

ایس وعدے تے یقین کر کے توانوں .‏ .‏ .‏

تسلی ملے گی کہ خدا ساڈیاں مشکلا‌ں لئی ذمےوار نئیں۔‏—‏یعقوب 1:‏13‏۔‏

دلاسہ ملے گا کہ خدا ساڈیاں مشکلا‌ں نوں چنگی طرحاں سمجھدا اے۔‏—‏زکریاہ 2:‏8‏۔‏

امید ملے گی کہ سارے دکھ درد ضرور ختم ہو جان گے۔‏—‏زبور 37:‏9-‏11‏۔‏

 اَسی پاک کلام دے وعدے تے یقین کیوں کر سکنے آں؟‏

دو گلاں تے غور کرو:‏

  • خدا دکھ درد تے بےانصافی توں نفرت کردا اے۔‏ جدوں پرانے زمانے وچ یہوواہ خدا دے خادماں نال بُرا سلوک کیتا گیا تے اوہ بوہت دکھی ہویا۔‏ ایس لئی خدا نے اوہناں نوں بُرے تے ظالم لوکاں توں چھڑایا۔‏—‏قضاة 2:‏18‏۔‏

    خدا نوں اوہناں تے بڑا غصہ آؤندا اے جیہڑ‌ے دوسریاں نوں دکھی کردے نیں۔‏ مثال دے طور تے پاک کلام دسدا اے کہ خدا نوں ایسے لوکاں توں سخت نفرت اے جیہڑ‌ے بے گناہ انساناں دا خون بہاندے نیں۔‏—‏امثال 6:‏16،‏ 17‏۔‏

  • خدا ساڈی ہر اِک دی فکر کر دا اے۔‏ شاید توانوں لگے کہ تُسی صرف اِکلّے ہی اپنے دُکھ تے تکلیف نوں جان دے او۔‏ پر یقین رکھو کہ یہوواہ خدا سمجھدا اے کہ تواڈے تے کیہہ بیت رہی اے۔‏—‏2-‏تواریخ 6:‏29،‏ 30‏۔‏

    یہوواہ خدا اپنی بادشاہی دے ذریعے بوہت چھیتی ہر اِک دے دُکھ درد نوں ختم کر دوے گا۔‏ (‏متی 6:‏9،‏ 10‏)‏ پر اوہ اج وی اوہناں لوکاں نوں سنبھال دا اے جیہڑ‌ے سچے دل نال اوہنوں لبھ دے نیں۔‏—‏اعمال 17:‏27؛‏ 2-‏کُرنتھیوں 1:‏3،‏ 4‏۔‏

 ذرا ایس سوال تے غور کرو

خدا نے حالے تک دکھ درد ختم کیوں نئیں کیتے؟‏

پاک کلام وچوں ایہدا جواب جانن لئی ایہہ حوالے پڑھو :‏رومیوں 5:‏12 تے 2-‏پطرس 3:‏9‏۔‏