معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا دی گل سنو تے ہمیشاں دی زندگی پاؤ

 حصہ 8

یسوع مسیح دی موت دا توانوں کیہہ فائدہ ہووے گا؟‏

یسوع مسیح دی موت دا توانوں کیہہ فائدہ ہووے گا؟‏

یسوع مسیح ایس لئی مرے کہ اَسی ہمیشاں دی زندگی پائیے۔‏ یوحنا 3:‏16

یسوع مسیح دی موت دے تِن دن بعد کجھ عورتاں قبر تے آئیاں پر قبر خالی سی۔‏ یہوواہ خدا نے یسوع مسیح نُوں زندہ کر دِتا سی۔‏

بعد وچ یسوع مسیح اپنے رسولاں نُوں ملے۔‏

جدوں یہوواہ خدا نے یسوع مسیح نُوں زندہ کیتا تے اوہنے یسوع نُوں ایس طرحاں دا طاقتور روحانی جسم دِتا جیہڑ‌ا کدی ختم نئیں ہووے گا۔‏ اوہ اپنے شاگرداں دیاں اکھاں سامنے اسمان تے چلے گئے۔‏

 خدا نے یسوع مسیح نُوں زندہ کیتا تے اوہناں نُوں اپنی بادشاہی دا بادشاہ بنایا۔‏ دانی‌ایل 7:‏13،‏ 14

یسوع مسیح نے انساناں نُوں گناہ تے موت توں نجات دین لئی اپنی جان دا فدیہ دِتا۔‏ (‏متی 20:‏28‏)‏ ایس فدیے دے ذریعے خدا نے سانوں ہمیشاں زندہ رہن دا موقع دِتا اے۔‏

یہوواہ خدا نے یسوع مسیح نُوں بادشاہ بنایا اے تاکہ اوہ زمین تے حکومت کرن۔‏ اوہنے اِک لکھ چوالی ہزار وفادار انساناں نُوں وی چُنیا اے جیہڑ‌ے مرن توں بعد زندہ ہو کے اسمان تے چلے جاندے نیں۔‏ اوہ یسوع مسیح نال اسمان توں حکومت کرن گے۔‏ ایہہ حکومت خدا دی بادشاہی کہلاؤندی اے۔‏—‏مکا‌شفہ 14:‏1-‏3‏۔‏

خدا دی بادشاہی زمین نُوں عدن وانگوں خوبصورت بنا دے گی۔‏ اوس ویلے جنگ،‏ جرم تے غریبی مُک جائے گی۔‏ خوراک دا گھاٹا نئیں ہووے گا۔‏ اوہدوں لوک دلوں خوش ہون گے۔‏—‏زبور 145:‏16‏۔‏