معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا دی گل سنو تے ہمیشاں دی زندگی پاؤ

 حصہ 5

نوح دے زمانے وچ کنہے خدا دی گل سنی؟‏

نوح دے زمانے وچ کنہے خدا دی گل سنی؟‏

نوح نبی دے زمانے وچ لوک بوہت بُرے سن۔‏ پیدایش 6:‏5

آدم تے حوا دے بچے ہوئے تے زمین اُتے آبادی بوہت ودھ گئی۔‏ فیر کجھ فرشتے شیطان دے نال رَل گئے تے خدا دے خلا‌ف ہو گئے۔‏

ایہہ بُرے فرشتے زمین تے آئے۔‏ اوہناں نے انسان بن کے عورتاں نال ویاہ کیتا۔‏ اوہناں دے بچے عام انساناں ورگے نئیں سن۔‏ اوہ بڑے وحشی تے طاقتور سن۔‏

زمین بُرے لوکاں نال بھر گئی۔‏ بائبل دسدی اے کہ اوس زمانے وچ بُرائی بوہت ودھ گئی تے لوک ہر ویلے بُرے کماں بارے ای سوچدے رہندے سن۔‏

 نوح نے خدا دی گل سنی تے اِک کشتی بنائی۔‏ پیدایش 6:‏13،‏ 14،‏ 18،‏ 19،‏ 22

نوح نبی بڑے نیک سن۔‏ یہوواہ خدا نے اوہناں نُوں دسیا کہ اوہ اِک بوہت وڈا طوفان لیائے گا تے بُرے لوکاں نُوں تباہ کردے گا۔‏

خدا نے اوہناں نُوں اِک بوہت وڈی کشتی بناؤن دا حکم دِتا۔‏ خدا نے نوح نبی نُوں آکھیا کہ اوہ اپنے بیوی بچے تے ہر طرحاں دے جانور لے کے کشتی وچ چلا جائے۔‏

نوح نے لوکاں نُوں دسیا کہ طوفان آؤن والا اے۔‏ پر لوکاں نے اوہناں دی گل تے کوئی دھیان نئیں دِتا۔‏ کجھ لوکاں نے اوہناں دا مذاخ اُڈایا تے کجھ اوہناں توں نفرت کرن لگ پئے۔‏

جدوں کشتی بن گئی تے نوح جانوراں نُوں لے کے کشتی وچ چلے گئے۔‏