معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا دی گل سنو تے ہمیشاں دی زندگی پاؤ

 حصہ 3

عدن دے باغ وچ زندگی کیہو جہی سی؟‏

عدن دے باغ وچ زندگی کیہو جہی سی؟‏

یہوواہ خدا نے آدم تے حوا نُوں ہر چنگی چیز دِتی۔‏ پیدایش 1:‏28

یہوواہ خدا نے آدم لئی اِک بیوی بنائی۔‏ اوہدا ناں حوا سی۔‏—‏پیدایش 2:‏21،‏ 22‏۔‏

جدوں یہوواہ خدا نے آدم تے حوا نُوں بنایا،‏ اوہناں وچ کوئی عیب یا کمی نئیں سی۔‏

اوہ اِک سوہنے جہے باغ وچ رہندے سن۔‏ اوہ باغ زمین تے سی تے اوہدا ناں عدن سی۔‏ باغ وچ اِک دریا،‏ بوہت سارے جانور تے پھلا‌ں دے درخت سن۔‏

یہوواہ خدا آدم تے حوا دے نال گلاں کردا سی تے اوہناں نُوں ہدیت دیندا سی۔‏ آدم تے حوا ایس باغ وچ ہمیشاں زندہ رہ سکدے سن۔‏ پر ایہدے لئے ضروری سی کہ اوہ خدا دی گل من دے۔‏

 خدا نے آدم تے حوا نُوں اِک درخت دا پھل کھان توں منع کیتا۔‏ پیدایش 2:‏16،‏ 17

یہوواہ خدا نے آدم تے حوا نُوں باغ وچ اِک درخت وکھایا تے اوہناں نُوں اوس دا پھل کھان توں منع کیتا۔‏ خدا نے کہیا کہ جے تُسی ایہدا پھل کھاؤ گے تے مر جاؤ گے۔‏

اِک فرشتہ خدا دے خلا‌ف ہو گیا۔‏ ایس بُرے فرشتے دا ناں شیطان اے۔‏

شیطان ایہہ نئیں سی چاہندا کہ آدم تے حوا یہوواہ خدا دی گل منن۔‏ ایس لئی اوہنے اِک سپ دے ذریعے حوا نُوں کہیا کہ پھل کھان نال اوہ نئیں مرے گی۔‏ پھل کھان دے بعد اوہ خدا وانگوں سمجھدار بن جائے گی۔‏ پر شیطان دی ایہہ گل جھوٹی سی۔‏—‏پیدایش 3:‏1-‏5‏۔‏