معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا وَلوّں خوشخبری

 سبق 13

مذہب بارے خوشخبری کیہہ اے؟‏

مذہب بارے خوشخبری کیہہ اے؟‏

1.‏ کیہہ سارے مذہب صحی نیں؟‏

ایہدے وچ کوئی شک نئیں کہ ہر مذہب وچ نیک دل لوک ہوندے نیں۔‏ اوہناں لوکاں لئی خوشخبری اے کہ خدا اوہناں دے دِلاں نوں جان دا اے تے اوہناں دی فکر کردا اے۔‏ پر ایہہ بڑے دُکھ دی گل اے کہ مذہب دے ناں تے بوہت سارے بُرے کم کیتے گئے نیں۔‏ (‏2-‏کُرنتھیوں 4:‏3،‏ 4؛‏ 11:‏13-‏15‏)‏ خبراں دے مطابق کئی مذہباں نے دہشت گردی،‏ قتل و غارت،‏ جنگا‌ں تے بالاں نال بدسلوکی ورگے کماں وچ حصہ لیا اے۔‏ خدا تے ایمان رکھن والے لوک ایہہ سارے کم ویکھ کے بوہت دُکھی ہوندے نیں۔‏‏—‏متی 24:‏3-‏5،‏ 11،‏ 12 نوں پڑھو۔‏

سچا مذہب خدا دی وڈیائی کردا اے،‏ پر جھوٹے مذہب اوہنوں بدنام کر دے نیں۔‏ ایہہ مذہب ایسیاں گلاں سکھاؤندے نیں جیہڑ‌یاں پاک کلام توں اُلٹ نیں۔‏ مثال دے طور تے ایہہ خدا بارے تے مُردیاں دی حالت بارے جھوٹی تلیم دیندے نیں۔‏ ایس لئی یہوواہ خدا ایہناں مذہباں توں خوش نئیں کیونکہ اوہ چاہندا اے کہ لوک اوہدے بارے سچائی جانن۔‏‏—‏واعظ 9:‏5؛‏ 1-‏تیمُتھیُس 2:‏3-‏5 نوں پڑھو۔‏

2.‏ مذہب بارے خوشخبری کیہہ اے؟‏

ایہہ بڑی خوشی دی گل اے کہ خدا ایسے مذہباں توں دھوکھا نئیں کھاندا جیہڑ‌ے اوہنوں پیار کرن دا دعویٰ تے کردے نیں پر اصل وچ اوہ شیطان دی دُنیا نوں پیار کردے نیں۔‏ (‏یعقوب 4:‏4‏)‏ پاک کلام وچ سارے جھوٹے مذہباں نوں ”‏وَڈّا شہر بابل“‏ کہیا گیا اے۔‏ بابل پرانے زمانے وچ اِک شہر دا ناں سی۔‏ نوح نبی دے زمانے دے طوفان توں بعد ایسے شہر وچ جھوٹے مذہباں دی شروعات ہوئی سی۔‏ بوہت جلد خدا اوہناں سارے مذہباں نوں تباہ کرن والا اے جیہڑ‌ے لوکاں تے ظلم ڈھاؤندے تے اوہناں نوں گمراہ کردے نیں۔‏‏—‏مکا‌شفہ 17:‏1،‏ 2،‏ 5،‏ 16،‏ 17؛‏ 18:‏8 نوں پڑھو۔‏

دُنیا بھر وچ بوہت سارے نیک دل لوک جھوٹے مذہباں دے چُنگل وچ پھسے ہوئے نیں۔‏ پر خوشی دی گل ایہہ وے کہ یہوواہ خدا اوہناں نوں بُھلیا نئیں۔‏ اوہ اوہناں نوں سچائی سکھا رہیا اے تے جھوٹے مذہباں وچوں آزاد کر کے اِک مُٹھ کر رہیا اے۔‏‏—‏میکا‌ہ 4:‏2،‏ 5 نوں پڑھو۔‏

 3.‏ سچائی نوں پیار کرن والیاں نوں کیہہ کرن دی لوڑ اے؟‏

سچا مذہب لوکاں نوں اِک مُٹھ کر رہیا اے۔‏

یہوواہ خدا اوہناں لوکاں دی پرواہ کردا اے جیہڑ‌ے سچائی نوں پیار کردے تے چنگے کم کرنا چاہندے نیں۔‏ اوہ اوہناں نوں جھوٹے مذہباں وچوں نِکلن دی تاکید کردا اے۔‏ خدا نوں پیار کرن والے لوک اوہدی مرضی پوری کرن لئی خوشی خوشی اپنے آپ نوں بدل رہے نیں۔‏‏—‏مکا‌شفہ 18:‏4 نوں پڑھو۔‏

جدوں پہلی صدی عیسوی وچ نیک دل لوکاں نے یسوع مسیح دے رسولاں کولوں خوشخبری سنیُ تے اوہناں نے خوشی نال اینہوں قبول کیتا۔‏ یہوواہ خدا نے اوہناں نوں خوشیاں بھری زندگی دا اِک نواں راہ وکھایا جدے ذریعے اوہناں نوں مقصد تے امید ملی۔‏ اوہ لوک ساڈے لئی اِک چنگی مثال نیں کیونکہ اوہناں نیں خوشخبری تے ایمان لیا کے اپنی زندگی وچ یہوواہ خدا نوں پہلا درجہ دِتا سی۔‏‏—‏1-‏تھسلُنیکیوں 1:‏8،‏ 9؛‏ 2:‏13 نوں پڑھو۔‏

یہوواہ خدا دے خادم اِک وَڈّے خاندان وانگوں نیں۔‏ جیہڑ‌ے لوک جھوٹے مذہباں نوں چھڈ دیندے نیں،‏ خدا اوہناں نوں اپنے خاندان وچ شامل ہون دی دعوت دیندا اے۔‏ جے تُسی یہوواہ خدا دی پیار بھری دعوت قبول کرو گے تے فیر اوہدے نال تواڈا رشتہ مضبوط ہووے گا،‏ اوہدے خادم تواڈے بھین بھرا بن جان گے تے توانوں ہمیشاں دی زندگی وی ملے گی۔‏‏—‏مرقس 10:‏29،‏ 30؛‏ 2-‏کُرنتھیوں 6:‏17،‏ 18 نوں پڑھو۔‏

4.‏ خدا پوری زمین تے خوشیاں دی بہار کیویں لیاوے گا؟‏

ایہہ واقعی بڑی وَڈّی خوشخبری اے کہ خدا جھوٹے مذہباں دا خاتمہ کرن والا اے۔‏ فیر جھوٹے مذہب لوکاں نوں کدی گمراہ نئیں کرن گے تے نہ ای اوہناں وچ وَنڈ پاؤن گے۔‏ دُنیا بھر وچ ایہناں دے ظلماں توں انساناں نوں راحت ملے گی۔‏ اوہدوں سارے انسان مِل کے صرف سچے خدا یہوواہ دی عبادت کرن گے۔‏‏—‏مکا‌شفہ 18:‏20،‏ 21؛‏ 21:‏3،‏ 4 نوں پڑھو۔‏