معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا وَلوّں خوشخبری

 سبق 6

فوت ہو چُکے لوکاں لئی کیہہ امید اے؟‏

فوت ہو چُکے لوکاں لئی کیہہ امید اے؟‏

1.‏ فوت ہو چُکے لوکاں بارے کیہہ خوشخبری اے؟‏

جدوں یسوع مسیح یروشلیم دے لاگے بیت عنیاہ پِنڈ پہنچے تے اوہناں دے دوست لعزر نوں مرے چار دن ہو گئے سن۔‏ اوہ لعزر دیاں بھیناں مرتھا تے مریم نال اوہدی قبر تے گئے۔‏ اوس ویلے بوہت سارے لوک وی اوتھے جمع ہو گئے۔‏ ذرا سوچو کہ مرتھا تے مریم کِنّیاں خوش ہوئیاں ہون گیاں جدوں یسوع مسیح نے اوہناں دے بھرا نوں زندہ کیتا۔‏‏—‏یوحنا 11:‏21-‏24،‏ 38-‏44 نوں پڑھو۔‏

مرتھا نوں پتہ سی کہ پاک کلام وچ مُردیاں بارے کیہہ خوشخبری اے۔‏ اوہ جان دی سی کہ یہوواہ خدا فوت ہو چُکے لوکاں نوں زمین تے ضرور دُبارہ زندہ کرے گا۔‏‏—‏یسعیاہ 26:‏19 نوں پڑھو۔‏

2.‏ مرن توں بعد انساناں نال کیہہ ہوندا اے؟‏

خدا نے آدم نوں کہیا سی کہ تُوں مٹی ایں تے مٹی وچ فیر مِل جاویں گا۔‏—‏پیدایش 3:‏19‏۔‏

خدا نے انسان نوں مٹی نال بنایا اے۔‏ (‏پیدایش 2:‏7؛‏ 3:‏19‏)‏ ساڈے جسم وچ کوئی ایسی رُوح نئیں جیہڑ‌ی مرن توں بعد زندہ رہندی اے۔‏ جدوں کوئی مر جاندا اے تے اوہدا دماغ کم کرنا چھڈ دیندا اے یعنی اوہدی سوچن تے سمجھن دی صلا‌حیت ختم ہو جاندی اے۔‏ پاک کلام دسدا اے کہ مُردے کجھ وی نئیں جان دے،‏ ایسے لئی لعزر نے زندہ ہون توں بعد ایس بارے کجھ وی نئیں دسیا کہ مرن توں بعد اوہدے نال کیہہ ہویا۔‏‏—‏زبور 146:‏4؛‏ واعظ 9:‏5،‏ 6،‏ 10 نوں پڑھو۔‏

کیہہ خدا مر چُکے لوکاں نوں دوزخ دی اگ وچ تڑفاندا اے؟‏ پاک کلام وچ صاف صاف دسیا گیا اے کہ مُردے کجھ وی نئیں جان دے،‏ ایس لئی دوزخ دا عقیدہ بالکل غلط اے تے خدا نوں بدنام کردا اے۔‏ خدا تے انساناں نوں اَگ وچ ساڑن دے خیال توں وی نفرت کردا اے۔‏‏—‏یرمیاہ 7:‏31 نوں پڑھو۔‏

 3.‏ کیہہ فوت ہو چُکے لوک ساڈے نال گل بات کر سکدے نیں؟‏

بالکل نئیں،‏ کیونکہ فوت ہو چُکے لوک نہ تے سُن سکدے تے نہ ای بول سکدے نیں۔‏ (‏زبور 115:‏17‏)‏ پر کجھ فرشتے بُرے نیں تے اوہ مرے ہویاں دی آواز کڈھ کے لوکاں نال گلاں کردے نیں۔‏ (‏یہوداہ 6‏)‏ یہوواہ خدا سانوں سختی نال منع کردا اے کہ اَسی مُردیاں نال گل بات کرن دی کوشش وی نہ کرئیے۔‏‏—‏یسعیاہ 8:‏19 نوں پڑھو۔‏

4.‏ کِنہاں لوکاں نوں زندہ کیتا جاوے گا؟‏

فوت ہو چُکے لکھاں لوکاں نوں زمین تے دُبارہ زندہ کیتا جاوے گا۔‏ ایتھوں تک کہ کجھ ایسے لوکاں نوں وی زندہ کیتا جاوے گا جیہڑ‌ے خدا نوں نئیں جان دے سن تے بَھیڑے کم کردے سن۔‏‏—‏زبور 37:‏29؛‏ اعمال 24:‏15 نوں پڑھو۔‏

زندہ ہون والے ایہناں لوکاں نوں خدا بارے سچائی سکھن تے یسوع مسیح دے حکماں تے چل کے ایمان ظاہر کرن دا موقع ملے گا۔‏ (‏مکا‌شفہ 20:‏11-‏13‏)‏ جی اُٹھن توں بعد جیہڑ‌ے لوک چنگے کم کرن گے اوہ زمین تے ہمیشاں دی زندگی پاؤن گے۔‏‏—‏یوحنا 5:‏28،‏ 29 نوں پڑھو۔‏

5.‏ مُردیاں لئی امید توں اَسی یہوواہ خدا بارے کیہہ جاننے آں؟‏

خدا نے اپنے بیٹے دی قربانی دے کے مُردیاں لئی دُبارہ زندگی پاؤن دی راہ کھولی اے۔‏ ایس امید توں سانوں یہوواہ خدا دے گُوڑھے پیار تے اوہدی رحمت دا ثبوت ملدا اے۔‏ جدوں مُردے زندہ ہون گے تے تُسی خاص کر کِنہوں ملنا چاہو گے؟‏‏—‏یوحنا 3:‏16؛‏ رومیوں 6:‏23 نوں پڑھو۔‏