معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا وَلوّں خوشخبری

 سبق 10

خدا کیہو جہی عبادت قبول کردا اے؟‏

خدا کیہو جہی عبادت قبول کردا اے؟‏

1.‏ کیہہ سارے مذہب سچے نیں؟‏

جھوٹے نبیاں توں خبردار رہوو۔‏—‏متی 7:‏15‏۔‏

یسوع مسیح نے اپنے پیروکاراں نوں سکھایا کہ صرف اِک ای مذہب سچا اے۔‏ اوہناں نے دسیا سی کہ ایہہ اِک رستے وانگوں اے جیہڑ‌ا ہمیشاں دی زندگی وَل جاندا اے تے ایہدے تے چلن والے تھوڑے نیں۔‏ (‏متی 7:‏14‏)‏ خدا نوں صرف ایسی عبادت قبول اے جیہڑ‌ی اوہدے پاک کلام بائبل دے مطابق کیتی جاندی اے۔‏ سچے مذہب دے پیروکار اِک مُٹھ نیں کیونکہ اوہ اِکو جہی تلیم تے ایمان رکھدے نیں۔‏‏—‏یوحنا 4:‏23،‏ 24؛‏ 14:‏6؛‏ اِفسیوں 4:‏4،‏ 5 نوں پڑھو۔‏

2.‏ یسوع مسیح نے جھوٹے مسیحیاں بارے کیہہ دسیا سی؟‏

اوہ لوکاں سامنے خدا نوں جانن دا دعویٰ تے کر دے نیں پر اوہناں دے کماں توں پتہ لگدا اے کہ اوہناں نے خدا توں موُنہہ موڑ لیا اے۔‏‏—‏طِطُس 1:‏16‏۔‏

یسوع مسیح نے خبردار کیتا سی کہ جھوٹے نبی مسیحی مذہب دی تلیم وچ جھوٹے عقیدیاں دی ملا‌وٹ کر دین گے۔‏ ایہناں نے بوہت ساریاں مِشناں بنائیاں نیں جنہاں دے رُکن مسیحی ہون دا دعویٰ کر دے نیں۔‏ ویکھن نوں ایہہ لوک سچے مسیحی لگدے نیں،‏ پر تُسی ایہناں دی اصلیت کیویں پچھان سکدے او؟‏ پاک کلام دسدا اے کہ سچے مسیحی اپنیاں صفتاں تے کماں توں پچھانے جاندے نیں۔‏‏—‏متی 7:‏13-‏23 نوں پڑھو۔‏

3.‏ تُسی سچے مذہب دے پیروکاراں نوں کیویں پچھان سکدے او؟‏

پنج گلاں تے غور کرو:‏

  • اوہ بائبل نوں خدا دا کلام من دے نیں۔‏ اوہ پاک کلام دے اصولاں دے مطابق چلن دی پوری کوشش کر دے نیں۔‏ ایس لئی سچے مذہب دی بنیاد انسانی سوچ دی بجائے خدا دا کلام اے۔‏ (‏متی 15:‏7-‏9‏)‏ اوہناں دی کہنی تے کرنی وچ فرق نئیں ہوندا،‏ اوہ جو کجھ سکھاؤندے نیں اوہدے مطابق چلدے وی نیں۔‏‏—‏یوحنا 17:‏17؛‏ 2-‏تیمُتھیُس 3:‏16،‏ 17 نوں پڑھو۔‏

  •   اوہ خدا دے ناں یہوواہ دی وڈیائی کر دے نیں۔‏ یسوع مسیح نے لوکاں نوں خدا دے ناں توں واقف کرا کے اوہدے ناں دی وڈیائی کیتی۔‏ یسوع نے لوکاں دی مدد کیتی کہ اوہ خدا نوں جانن تے دُعا کرنی وی سکھائی کہ اوہ خدا دا ناں پاک منن۔‏ (‏متی 6:‏9‏)‏ تواڈے علا‌قے وچ کیہڑا مذہب لوکاں نوں خدا دے ناں بارے دسدا اے؟‏‏—‏یوحنا 17:‏26؛‏ رومیوں 10:‏13،‏ 14 نوں پڑھو۔‏

  • اوہ خدا دی بادشاہی دی منادی کردے نیں۔‏ خدا نے یسوع مسیح نوں بادشاہی دی خوشخبری سناؤن لئی گھلیا سی۔‏ خدا دی بادشاہی انساناں دی اِکو اِک امید اے،‏ ایس لئی اوہ مر دے دم تک ایہدی گواہی دیندے رہے۔‏ (‏لُوقا 4:‏43؛‏ 8:‏1؛‏ 23:‏42،‏ 43‏)‏ یسوع نے آکھیا سی کہ اوہناں دے پیروکار وی ایس بادشاہی دی منادی کرن گے۔‏ تواڈے خیال وچ کیہڑے مذہب دے لوک خدا دی بادشاہی دی منادی کردے نیں؟‏‏—‏متی 24:‏14 نوں پڑھو۔‏

  • اوہ ایس دُنیا دے بُرے لوکاں ورگے نئیں۔‏ اوہ سیاسی معاملیاں یاں معاشرے وچ ہون والے کسے طرحاں دے لڑائی جھگڑیاں وچ حصہ نئیں لیندے۔‏ (‏یوحنا 17:‏16؛‏ 18:‏36‏)‏ ایہدے علا‌وہ اوہ دُنیا دی بُری سوچ تے بَھیڑے کماں توں نفرت کر دے نیں۔‏‏—‏یعقوب 4:‏4 نوں پڑھو۔‏

  • اوہ اِک دُوجے نوں دِلوں پیار کردے نیں۔‏ اوہناں نے خدا دے کلام وچوں سکھیا اے کہ اوہناں نوں ہر قوم دے لوکاں دی عزت کرنی چاہیدی اے۔‏ اکثر مذہب جنگا‌ں وچ ودھ چڑھ کے حصہ لیندے نیں،‏ پر سچے مذہب تے چلن والے ہمیشاں ایہناں وچ حصہ لین توں انکا‌ر کر دے نیں۔‏ (‏میکا‌ہ 4:‏1-‏3‏)‏ ایہدی بجائے اوہ بغیر کسے مطلب توں اپنا وقت تے چیزاں دُوسریاں دے بھلے لئی استمال کردے نیں۔‏‏—‏یوحنا 13:‏34،‏ 35؛‏ 1-‏یوحنا 4:‏20 نوں پڑھو۔‏

4.‏ کیہہ تُسی سچے مذہب نوں پچھان سکدے او؟‏

کیہڑے مذہب دی ساری تلیم خدا دے پاک کلام دے مطابق اے؟‏ کیہڑے مذہب دے پیروکار خدا دے ناں دی وڈیائی کر دے نیں؟‏ کیہڑے مذہب دے لوک ایہہ منادی کر دے نیں کہ خدا دی بادشاہی انساناں دی اِکو اِک امید اے؟‏ کیہڑے مذہب دے لوک سب نوں پیار کر دے نیں تے جنگا‌ں وچ حصہ لین توں انکا‌ر کر دے نیں؟‏ تُسی کیہہ سوچدے او؟‏‏—‏1-‏یوحنا 3:‏10-‏12 نوں پڑھو۔‏