معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

خدا وَلوّں خوشخبری

 سبق 11

پاک کلام دے اصولاں تے چل کے سانوں کیہہ فائدے ہون گے؟‏

پاک کلام دے اصولاں تے چل کے سانوں کیہہ فائدے ہون گے؟‏

1.‏ سانوں رہنمائی دی لوڑ کیوں اے؟‏

ایہہ سچائی یاد رکھدے ہویاں کہ زندگی اِک تحفہ اے،‏ سانوں کیہہ کرن دی لوڑ اے؟‏‏—‏زبور 36:‏9‏۔‏

ساڈا خالق ساڈے نالوں کِتے دَنائی والا اے۔‏ اوہ اِک مہربان باپ وانگوں ساڈی بوہت فکر کر دا اے۔‏ نالے خدا نے سانوں ایس قابل نئیں بنایا کہ اَسی اپنی رہنمائی آپ کر سکیے۔‏ (‏یرمیاہ 10:‏23‏)‏ جیویں اِک چھوٹے بچے نوں اپنے ماں باپ دی رہنمائی دی لوڑ ہوندی اے،‏ اوسے طرحاں سانوں وی خدا دی رہنمائی دی لوڑ اے۔‏ (‏یسعیاہ 48:‏17،‏ 18‏)‏ پاک کلام دے اصول خدا وَلوّں اِک تحفہ نیں کیونکہ ایہہ سانوں صحی راہ وکھاندے نیں۔‏‏—‏2-‏تیمُتھیُس 3:‏16 نوں پڑھو۔‏

یہوواہ دے قانون تے اصول سانوں سکھاؤندے نیں کہ اَسی اَج چنگی زندگی کیویں گزار سکنے آں تے مستقبل وچ ہمیشاں دی زندگی کیویں پا سکنے آں۔‏ خدا نے سانوں بنایا اے،‏ ایس لئی ساڈا فرض بن دا اے کہ اَسی خوشی خوشی اوہدیاں راہواں تے چلیے۔‏‏—‏زبور 19:‏7،‏ 11؛‏ مکا‌شفہ 4:‏11 نوں پڑھو۔‏

2.‏ پاک کلام دے اصول کیہہ نیں؟‏

پاک کلام دے اصول بنیادی سچائیاں نیں۔‏ ایہہ کدی بدل دے نئیں تے بوہت ساریاں حالتاں وچ لاگو ہوندے نیں۔‏ پر قانون اکثر خاص حالتاں وچ لاگو ہوندے نیں۔‏ (‏اِستثنا 22:‏8‏)‏ ایس لئی کوئی فیصلہ کرن توں پہلے سانوں ایہہ سمجھن دی لوڑ اے کہ کسے معاملے وچ کیہڑا اصول لاگو ہوندا اے۔‏ (‏امثال 2:‏10-‏12‏)‏ مثال دے طور تے پاک کلام سکھاؤندا اے کہ زندگی خدا وَلّوں اِک تحفہ اے۔‏ ایہہ اصول کم تے،‏ گھر وچ تے سفر کردے ویلے ساڈی رہنمائی کردا اے۔‏ ایس اصول تے چل کے اَسی اپنی تے دُوسریاں دی جان خطرے وچ نئیں پاواں گے۔‏‏—‏زبور 100:‏3 نوں پڑھو۔‏

3.‏ کیہڑے دو اصول سب توں ضروری نیں؟‏

یسوع مسیح نے دسیا سی کہ دو اصول سب توں ضروری نیں۔‏ پہلا اصول ایہہ وے کہ اَسی خدا نوں جانیے،‏ اوہنوں پیار کرئیے تے وفاداری نال اوہدی خدمت کرئیے۔‏ ایہو ای انساناں دی زندگی دا اصل مقصد اے۔‏ ایس لئی کوئی وی فیصلہ کردے ویلے سانوں ایس اہم اصول نوں یاد رکھنا چاہیدا  اے۔‏ (‏امثال 3:‏6‏)‏ جیہڑ‌ے ایس اصول دے مطابق زندگی گزار دے نیں،‏ خدا نال اوہناں دا رشتہ مضبوط ہوندا اے۔‏ نالے اوہ خوشی تے ہمیشاں دی زندگی وی پاؤن گے۔‏‏—‏متی 22:‏36-‏38 نوں پڑھو۔‏

دُوجا اصول ساڈی مدد کردا اے کہ اَسی دُوسریاں نال چنگا رشتہ قائم کرئیے۔‏ (‏1-‏کُرنتھیوں 13:‏4-‏7‏)‏ ایس اصول تے چلن دا مطلب اے کہ اَسی انساناں نال اُنج ای پیش آئیے جیویں خدا پیش آؤندا اے۔‏‏—‏متی 7:‏12؛‏ 22:‏39،‏ 40 نوں پڑھو۔‏

4.‏ پاک کلام دے اصولاں تے چلن دے کیہڑے فائدے نیں؟‏

پاک کلام دے اصول خانداناں نوں سکھاؤندے نیں کہ اوہ پیار دے بندھن وچ کیویں بنھے رہ سکدے نیں۔‏ (‏کُلسّیوں 3:‏12-‏14‏)‏ پاک کلام دے اِک ہور اصول دے مطابق شادی زندگی بھر دا بندھن ہونا چاہیدا اے۔‏ ایس اصول تے چل کے خانداناں دی بنیاد مضبوط ہوندی اے۔‏‏—‏پیدایش 2:‏24 نوں پڑھو۔‏

پاک کلام دے اصولاں تے عمل کر کے ساڈی نوکری محفوظ رہ سکدی اے تے اَسی زندگی دیاں فکراں وچ ڈُبن توں بچ سکنے آں۔‏ مثال دے طور تے مالک ایسے ملا‌زماں نوں پسند کر دے نیں جیہڑ‌ے بائبل اصولاں دے مطابق ایماندار تے محنتی ہوندے نیں۔‏ (‏امثال 10:‏4،‏ 26؛‏ طِطُس 2:‏10‏)‏ خدا دا کلام ایہہ صلا‌ح وی دیندا اے کہ جے ساڈے کول کھان ہنڈان لئی ہے تے اوہدے تے صبر شکر کرئیے۔‏ ایہدے علا‌وہ پاک کلام سانوں دسدا اے کہ اَسی خدا نال اپنے رشتے نوں دولت تے کسے وی ہور چیز نالوں انمول سمجھیے۔‏‏—‏متی 6:‏24،‏ 25،‏ 33؛‏ 1-‏تیمُتھیُس 6:‏8-‏10 نوں پڑھو۔‏

پاک کلام دے اصولاں نوں منن نال ساڈی صحت تے وی چنگا اثر پے سکدا اے۔‏ (‏امثال 14:‏30؛‏ 22:‏24،‏ 25‏)‏ مثال دے طور تے خدا دے کلام وچ حد توں زیادہ شراب پِین توں منع کیتا گیا اے۔‏ ایس اصول تے عمل کر کے اَسی خطرناک بیماریاں تے حادثیاں توں بچ سکنے آں۔‏ (‏امثال 23:‏20‏)‏ یہوواہ سانوں تھوڑی بوہتی شراب پِین دی اجازت تے دیندا اے پر حد توں زیادہ شراب پِین توں منع کردا اے۔‏ (‏زبور 104:‏15؛‏ 1-‏کُرنتھیوں 6:‏9،‏ 10‏)‏ پاک کلام دے اصولاں توں اَسی سکھنے آں کہ سانوں چنگے کم کرن دے نال نال اپنی سوچ وی پاک رکھنی چاہیدی اے۔‏ (‏زبور 119:‏97-‏100‏)‏ پر سچے مسیحی صرف اپنے فائدے لئی نئیں،‏ سگوں یہوواہ خدا دی وڈیائی کرن لئی اوہدے اصولاں تے چلدے نیں۔‏‏—‏متی 5:‏14-‏16 نوں پڑھو۔‏