معلومات چھیتی وکھاؤ

مینیو چھیتی وکھاؤ

یہوواہ دے گواہ

پنجابی (شاہ مُکھی)

خدا دی بادشاہی کیہہ اے؟‏

خدا دی بادشاہی کیہہ اے؟‏

تواڈا کیہہ خیال اے .‏ .‏ .‏

  • ایہہ تواڈے دل وچ اے؟‏

  • ایہہ جنت دا دوسرا ناں اے؟‏

  • یاں اسمان وچ اِک حکومت اے؟‏

 خدا دا کلام ایہہ جواب دیندا اے

اسمان دا خدا اِک بادشاہی قائم کرے گا جنہوں کدی زوال نئیں آوے گا۔‏—‏دانی‌ایل 2:‏44‏۔‏

اوہدی حکومت ہمیشاں رہوے گی تے کدی ختم نئیں ہووے گی۔‏—‏دانی‌ایل 7:‏14‏۔‏

ایس جواب دا تواڈی زندگی تے اثر

  • خدا دی حکومت تواڈی بھلائی لئی بوہت کجھ کرے گی۔‏—‏یسعیاہ 48:‏17،‏ 18‏۔‏

  • آؤن والی نویں دُنیا وچ توانوں چنگی صحت تے بوہت ساریاں خوشیاں ملن گیاں۔‏—‏مکاشفہ 21:‏3،‏ 4‏۔‏

 اَسی خدا دے کلام تے یقین کیوں رکھ سکنے آں؟‏

دو گلاں تے غور کرو:‏

  • یسوع نے اپنے کماں توں ظاہر کیتا کہ خدا دی بادشاہی کیہہ کجھ کرے گی۔‏ یسوع نے اپنے شاگرداں نوں سکھایا کہ اوہ دُعا کرن کہ خدا دی بادشاہی آوے تے زمین تے اوہدی مرضی پوری ہووے۔‏ (‏متی 6:‏9،‏ 10‏)‏ یسوع نے اپنے کماں توں وکھایا کہ ایس دُعا دا جواب کیویں ملے گا۔‏

    جدوں یسوع زمین تے سن تے اوہناں نے بُھکھیاں نوں کھانا کھوایا،‏ بیماراں نوں شفا دِتی تے مُردیاں نوں زندہ کیتا۔‏ (‏متی 15:‏29-‏38؛‏ یوحنا 11:‏38-‏44‏)‏ ایس طرحاں یسوع نے خدا دی بادشاہی دی بوہت ای سوہنی جھلک وکھائی سی کہ جدوں اوہ بادشاہ بنن گے تے ایہہ بادشاہی اپنے لوکاں لئی کیہہ کجھ کرے گی۔‏—‏مکاشفہ 11:‏15‏۔‏

  • دُنیا دیاں حالتاں توں وی پتہ چلدا اے کہ خدا دی بادشاہی بڑی چھیتی آؤن والی اے۔‏ یسوع نے پہلاں ای دسیا سی کہ خدا دی بادشاہی زمین تے امن لیاوے گی۔‏ پر اوہناں نے ایہہ وی دسیا کہ ایس توں ٹھیک پہلاں ساڈی دُنیا جنگاں،‏ کالاں تے بھوچالاں وچ جکڑی ہووے گی۔‏—‏متی 24:‏3،‏ 7‏۔‏

    اَج اَسی دُنیا وچ ہر پاسے ایہہ سب کجھ اپنیاں اکھاں نال ویکھ سکنے آں۔‏ ایس لئی سانوں پکا یقین اے کہ خدا دی بادشاہی ایہناں ساریاں تکلیفاں نوں بڑی چھیتی ختم کر دوے گی۔‏

 ذرا ایہدے بارے سوچو

خدا دی بادشاہی وچ زندگی کیویں دی ہووے گی؟‏

پاک کلام وچوں ایہدا جواب جانن لئی ایہہ حوالے پڑھو :‏زبور 37:‏29 تے یسعیاہ 65:‏21-‏23‏۔‏