معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اپنے بچیاں نُوں پاک کلام چوں سکھاؤ

 سبق 8

یوسیاہ تے اوہناں دے چنگے دوست

یوسیاہ تے اوہناں دے چنگے دوست

کیہہ یہوواہ خدا دا کہنا مننا ہمیشاں اسان ہوندا اے؟‏—‏ کئی لوکاں نُوں ایہہ اسان نئیں لگدا۔‏ بائبل چ اِک منڈُے بارے دسیا گیا اے جدا ناں یوسیاہ سی۔‏ اوہدے لئی خدا دا کہنا مننا بوہت اوکھا سی۔‏ پر اوہدے دوست بڑے چنگے سن جنہاں نے اوہدی مدد کیتی تاکہ اوہ یہوواہ خدا دا کہنا من سکن۔‏ آؤ،‏ اَسی یوسیاہ تے اوہناں دے دوستاں دے بارے پڑھنے آں۔‏

یوسیاہ دے ابو دا ناں امون سی۔‏ اوہ ملک یہوداہ دا بادشاہ سی۔‏ امون بڑا خراب بندہ سی تے بُتاں دی پوجا کردا سی۔‏ جدوں امون مر گیا تے یوسیاہ بادشاہ بن گئے۔‏ اوس ویلے یوسیاہ بس اَٹھ سالاں دے سن۔‏ کیہہ یوسیاہ وی اپنے ابو وانگوں بُرے سن؟‏—‏ نئیں،‏ اوہ بوہت ای چنگے سن۔‏

صفنیاہ نے لوکاں نُوں کہیا کہ بُتاں دی پوجا چھڈ دَوو نئیں تے یہوواہ خدا سزا دَوے گا۔‏

یوسیاہ بچپن توں ای یہوواہ خدا دا کہنا مننا چاہندے سن۔‏ ایس لئی اوہناں نے صرف اوہناں لوکاں نال دوستی کیتی جیہڑ‌ے یہوواہ خدا نُوں پیار کردے سن۔‏ یوسیاہ دے دوستاں نے یہوواہ خدا دا کہنا منن چ اوہناں دی مدد کیتی۔‏ یوسیاہ دے کجھ دوست کون سن؟‏

یوسیاہ دے اِک دوست دا ناں صفنیاہ سی۔‏ صفنیاہ اِک نبی سن۔‏ اوہناں نے ملک یہوداہ دے لوکاں نُوں سمجھایا کہ بُتاں دی پوجا چھڈ دَوو  نئیں تے یہوواہ خدا سزا دَوے گا۔‏ یوسیاہ نے صفنیاہ دی گل منی تے بُتاں دی بجائے یہوواہ خدا دی عبادت کیتی۔‏

یوسیاہ دے اِک ہور دوست دا ناں یرمیاہ سی۔‏ یوسیاہ تے یرمیاہ اِکو ای عمر دے سن۔‏ اوہناں دونواں دا بچپن اِکو علاقے وچ گزریا سی۔‏ اوہ دونویں اینے پکے دوست سن کہ یوسیاہ دے مرن توں بعد یرمیاہ نے اوہناں لئی اِک خاص گیت لکھیا۔‏ ایس گیت چ اوہناں نے لکھیا کہ اوہناں نُوں یوسیاہ دی بوہت یاد آؤندی اے۔‏ یرمیاہ تے یوسیاہ اِک دُوجے دی مدد کردے سن تاکہ اوہ چنگے کم کر سکن تے یہوواہ خدا دا کہنا من سکن۔‏

یرمیاہ تے یوسیاہ اِک دُوجے دی مدد کردے سن تاکہ اوہ یہوواہ خدا دا کہنا من سکن۔‏

تُسی یوسیاہ دی کہانی توں کیہہ سکھیا اے؟‏—‏ یوسیاہ بچپن توں ای چنگے کم کرنا چاہندے سن۔‏ ایس لئی اوہناں نے یہوواہ خدا نُوں پیار کرن والے لوکاں نال دوستی کیتی۔‏ تُسی وی اوہناں نُوں دوست بناؤ جیہڑ‌ے یہوواہ خدا نُوں پیار کردے تے اوہدی گل منن چ تواڈی مدد کر سکدے نیں۔‏

ایہہ ایتاں پڑھو:‏

  • 2-‏تواریخ 33:‏21-‏25؛‏ 34:‏1،‏ 2؛‏ 35:‏25