معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اپنے بچیاں نُوں پاک کلام چوں سکھاؤ

 سبق 14

ساری زمین اُتے اِکو حکومت

ساری زمین اُتے اِکو حکومت

کیہہ توانوں پتہ اے کہ ساری زمین تے کدی حکومت ہووے گی؟‏—‏ خدا دی۔‏ ایہنوں خدا دی بادشاہی وی کہیا جاندا اے۔‏ ایہہ بادشاہی ساری زمین نُوں باغِ‌عدن وانگوں سوہنا بنا دَوے گی۔‏ کیہہ تُسی ایس بادشاہی دے بارے جاننا چاہندے او؟‏—‏

ہر بادشاہی دا اِک بادشاہ ہوندا اے۔‏ بادشاہ اپنے ملک دے لوکاں تے حکومت کردا اے۔‏ کیہہ توانوں پتہ اے کہ خدا دی بادشاہی دا بادشاہ کون اے؟‏—‏ یسوع مسیح۔‏ یسوع مسیح اسمان تے رہندے نیں۔‏ بوہت چھیتی اوہ سارے لوکاں تے حکومت کرن گے۔‏ جدوں یسوع مسیح ساری زمین تے حکومت کرن گے تے کیہہ اَسی خوش رہواں گے؟‏—‏

باغِ‌عدن ورگی سوہنی زمین تے تُسی کیہہ کرنا چاہوو گے؟‏

اَسی سارے بوہت خوش رہواں گے۔‏ اوہدوں انسان کوئی لڑائی جھگڑا تے جنگ نئیں کرن گے۔‏ سارے اِنسان اِک دُوجے نال پیار کرن گے۔‏ اوس ویلے نہ تے کوئی بیمار ہووے گا تے نہ ای کوئی مرے گا۔‏ اَنھے ویکھن گے،‏ بولھے سُنن گے تے لنگڑے چلن پھرن گے۔‏ کھانا پینا وادھو ہووے گا۔‏ جانور اِک دُوجے نال رَل مِل کے رہن گے تے ساڈے دوست وی بنن گے۔‏ جیہڑ‌ے لوک فوت ہو گئے نیں اوہناں نُوں زندہ کر دِتا جائے گا۔‏ ایس کتاب چ تُسی رِبقہ،‏ راحب،‏ داؤد تے ایلیاہ دے بارے پڑھیا اے۔‏ ایہہ سارے وی زندہ ہون گے۔‏ کیہہ تُسی ایہناں نُوں ملنا چاہندے او؟‏—‏

 یہوواہ خدا توانوں بوہت پیار کردا اے۔‏ اوہ چاہندا اے کہ تُسی خوش رہوو۔‏ جے تُسی یہوواہ خدا دے بارے سکھ دے رہوو گے تے اوہدا کہنا منو گے تے تُسی وی سوہنی زمین تے ہمیشاں زندہ رہوو گے۔‏ کیہہ تُسی ہمیشاں زندہ رہنا چاہندے او؟‏—‏

ایہہ ایتاں پڑھو:‏

  • یسعیاہ 2:‏4؛‏ 11:‏6-‏9؛‏ 25:‏8؛‏ 33:‏24؛‏ 35:‏5،‏ 6

  • یوحنا 5:‏28،‏ 29؛‏ 17:‏3