پاک کلام دا جواب

 سانوں یسوع دے وسیلے نال خدا کولوں دُعا کرنی چاہی دی اے کیونکہ اوہدے ذریعے ای خدا ساڈیاں دُعاواں نُوں سُن دا اے۔ یسوع نے کہیا:‏ ”‏راہ، سچائی تے زندگی مَیں آں۔ اِک انسان صرف میرے ای ذریعے باپ کول جا سکدا اے۔“‏(‏یوحنا 14:‏6)‏ یسوع نے اپنے وفادار رسولاں نُوں ایہہ وی کہیا:‏ ”‏مَیں توانوں سچ کہنا واں کہ میرے ناں توں تُسی میرے باپ کولوں جو وی منگو گے، اوہ توانوں دَوے گا۔“‏—‏یوحنا 16:‏23۔

سانوں ہور کیس وجہ توں یسوع دے وسیلے توں دُعا کرنی چاہی دی اے؟

•   کیونکہ اَسی یسوع تے اوہدے باپ یہوواہ خدا دی دِلوں عزت کرنے آں۔—‏فِلپّیوں 2:‏9-‏11۔

•   کیونکہ اَسی یسوع دی قربانی لئی شکرگزاری ظاہر کرنے آں جدے ذریعے سانوں ہمیشاں دی زندگی دی امید تے گُناہواں توں نجات مِلدی اے۔—‏متی 20:‏28؛ اعمال 4:‏12۔

•   کیونکہ اَسی جاننے آں کہ یسوع ساڈے لئی خدا اَگے اِلتجا کردا اے۔—‏عبرانیوں 7:‏25۔

•   کیونکہ یسوع دے وسیلے توں دُعا کرن نال اَسی اپنے اعلیٰ کاہن لئی عزت وکھا رہے ہُنے آں جدے ذریعے اَسی صاف ضمیر نال یہوواہ دی عبادت کر سکنے آں۔—‏عبرانیوں 4:‏14-‏16۔