پاک کلام دا جواب

 بھانویں کہ بائبل چ جُوا کھیڈن بارے بوہت زیادہ نئیں دَسیا گیا پر ایہدے چ دِتے اصولاں تے غور کر کے سانوں پتہ چلدا اے کہ خدا دی نظر چ جُوا کھیڈنا گُناہ اے۔—‏اِفِسیوں 5:‏17۔ a

•   لوک لالچ دی وجہ توں جُوا کھیڈدے نیں تے خدا نُوں لالچ توں نفرت اے۔ (‏1-‏کُرنتھیوں 6:‏9، 10؛ اِفِسیوں 5:‏3، 5)‏ جیہڑا بندہ جُوا کھیڈدا اے اوہ چاہندا اے کہ جُوئے چ دُوجے ہار جان تاکہ اوہنوں پیسے مِلن۔ پر پاک کلام چ دُوجیاں دِیاں چیزاں دا لالچ کرن توں سختی نال منع کیتا گیا اے۔—‏خروج 20:‏17؛ رومیوں 7:‏7؛ 13:‏9، 10۔

•   جُوا بھانویں تھوڑے پیسیاں لئی کھیڈیا جائے، ایہدی وجہ توں کھیڈن والیاں دے دل چ پیسے لئی ایہو جیہا پیار پیدا ہو سکدا اے جیہڑا انسان نُوں تباہ کر دیندا اے۔—‏1-‏تیمُتھیُس 6:‏9، 10۔

•   جُوا کھیڈن والے لوک اکثر قسمت تے بھروسا کردے نیں۔ پر خدا ایہناں عقیدیاں نُوں بُت‌پرستی خیال کردا اے تے ایہناں دا اوہدی عبادت نال کوئی تعلق نئیں اے۔—‏یسعیاہ 65:‏11۔

•   پاک کلام چ ایہہ ہلاشیری نئیں دِتی گئی کہ انسان کجھ کیتے بغیر ای سب کجھ حاصل کر لوے سگوں ایہدے چ محنت کرن دا حوصلہ دِتا گیا اے۔(‏واعظ 2:‏24؛ اِفِسیوں 4:‏28)‏ جیہڑے لوک ایس اصول تے عمل کردے نیں اوہ ”‏اپنی کمائی دی روٹی“‏ کھاندے نیں۔—‏2-‏تھسلُنیکیوں 3:‏10، 12۔

•   جُوا کھیڈن نال مقابلہ‌بازی پیدا ہوندی اے تے پاک کلام چ ایہدے توں منع کیتا گیا اے۔—‏گلتیوں 5:‏26۔