پاک کلام دا جواب

 پاک کلام چ لکھیا اے:‏ ”‏اَسی اوہدی مرضی مطابق جو کجھ وی منگنے آں، اوہ ساڈی سُن دا اے۔“‏ (‏1-‏یوحنا 5:‏14)‏ ایہدا مطلب اے کہ تُسی ہر اوس گل لئی دُعا کر سکدے او جیہڑی خدا نُوں پسند اے۔ ایہدے علاوہ بائبل چ ایہہ وی لکھیا اے:‏ ”‏اوہدے سامنے اپنا دل کھول دَوو۔“‏ (‏زبور 62:‏8)‏ ایہدے توں پتہ چلدا اے کہ خدا چاہندا اے کہ تُسی دُعا چ اوہنوں اپنیاں پریشانیاں بارے وی دَسو۔

تُسی ایہناں گلاں لئی دُعا کر سکدے او:‏

•   خدا تے اپنے ایمان نُوں مضبوط کرن لئی دُعا سکدے او۔—‏لُوقا 17:‏5۔

•   پاک روح لئی دُعا کر سکدے او تاکہ تُسی صحی کم کر سکو۔—‏لُوقا 11:‏13۔

•   مشکلاں دا سامنا کرن لئی تے ازمیشاں دا مقابلہ کرن لئی دُعا کر سکدے او۔—‏فِلپّیوں 4:‏13۔

•   دلی سکون تے اِطمینان لئی دُعا کر سکدے او۔—‏فِلپّیوں 4:‏6، 7۔

•   چنگے فیصلے کرن لئی حکمت منگ سکدے او۔—‏یعقوب 1:‏5۔

•   روز دِیاں ضرورتاں لئی دُعا کر سکدے او۔—‏متی 6:‏11۔

•   گُناہواں دی معافی لئی دُعا کر سکدے او۔—‏متی 6:‏12۔