پاک کلام دا جواب

 شیطان اِبلیس اِک ایہو جہی جگہ تے رہندا اے جیہڑی کوئی انسان نئیں ویکھ سکدا۔ پر ایہہ کوئی ایہو جہی جگہ نئیں اے جتھے اوہ بُرے لوکاں نُوں اَگ چ تڑپاندا اے جیویں کہ تصویر چ وکھایا گیا اے۔

”‏اسمان تے جنگ“‏

 کجھ عرصے تک شیطان اِبلیس نُوں اسمان تے آن جان دی آزادی ہے سی، ایتھوں تک کہ اوہ خدا دے وفادار فرشتیاں دے نال خدا دے حضور وی جا سکدا سی۔ (‏ایوب 1:‏6)‏ پر بائبل چ پہلاں توں دَسیا گیا سی کہ ”‏اسمان تے جنگ“‏ ہونی سی جدے چ شیطان نُوں اسمان توں کڈھ کے ”‏تھلے زمین تے سُٹ دِتا“‏ جانا سی۔(‏مُکاشفہ 12:‏7-‏9)‏ بائبل دِیاں پیش‌گوئیاں تے دُنیا دے حالات توں پتہ چلدا اے کہ ایہہ جنگ ہو چُکی اے۔ہن شیطان صرف زمین تے ای رہ سکدا اے۔

 کیہہ ایہدا ایہہ مطلب اے کہ شیطان زمین تے کسے خاص جگہ تے رہندا اے؟ ایہہ سچ اے کہ پرانے شہر پرگمن بارے کہیا جاندا سی کہ ”‏اوتھے شیطان دا تخت اے“‏ تے اوتھے ”‏شیطان نے ڈیرہ لایا ہویا اے۔“‏(‏مُکاشفہ 2:‏13)‏ پر شاید ایہدا مطلب ایہہ سی کہ اوس شہر چ لوک شیطان دی عبادت کردے سن۔ بائبل چ لکھیا اے کہ شیطان کول ”‏ساریاں بادشاہیاں دا اِختیار“‏ اے۔ ایس لئی اوہ زمین تے کسے خاص جگہ تے نئیں رہندا۔—‏لُوقا 4:‏5، 6۔