پاک کلام دا جواب

 انساناں نے دُنیا چ امن قائم کرن لئی بڑیاں کوششاں کیتیاں نیں پر فیر وی اوہ اِنج نئیں کر سکے۔ آؤ ویکھنے آں کہ ایہدی کیہہ وجہ اے۔

•   ”‏انسان ایس قابل نئیں اے کہ اوہ اپنے قدماں دی رہنمائی کر سکے۔“‏(‏یرمیاہ 10:‏23)‏ یہوواہ نے انسان نُوں ایس طرحاں بنایا ای نئیں اے کہ اوہ دُوجیاں تے حکومت کرے۔ ایس لئی اوہ کدی وی ہمیشاں لئی امن قائم نئیں کر پان گے۔

•   ”‏حاکماں تے بھروسا نہ کرو تے نہ ای کسے انسان تے کیونکہ اوہ نجات نئیں دَوا سکدے۔ اوہناں دا دم نکل جاندا اے تے اوہ مٹی چ واپس چلے جاندے نیں، اوسے دن اوہناں دے خیال مٹ جاندے نیں۔“‏ (‏زبور 146:‏3، 4)‏ لوکاں دا بھلا چاہن والے حکمران وی اوہناں مسئلیاں نُوں پوری طرحاں ختم نئیں کر سکدے جنہاں دی وجہ توں جنگاں ہوندیاں نیں۔

•   بائبل چ دَسیا گیا اے کہ آخری زمانے چ لوک ظالم، نیکی دے دُشمن، دھوکھےباز، ڈھیٹھ تے غرور نال پُھلے ہوئے ہون گے۔ (‏2-‏تیمُتھیُس 3:‏1-‏4)‏ اَسی ایس بُری دُنیا چ اپنے آلے‌دوالے ایہو جہے لوکاں نُوں ای ویکھنے آں جنہاں دی وجہ توں دُنیا چ امن قائم کرنا بوہت مشکل اے۔

•   ”‏اَے زمین تے سمندر، تواڈے تے مصیبت آن والی اے کیونکہ اِبلیس تواڈے کول آ گیا اے۔ اوہ بڑے غصے چ وے کیونکہ اوہنوں پتہ اے کہ اوہدے کول تھوڑا ای وقت رہ گیا اے۔“‏ (‏مُکاشفہ 12:‏12)‏ خدا دے دُشمن یعنی شیطان اِبلیس نُوں زمین تے سُٹ دِتا گیا اے تے اوہ چاہندا اے کہ لوک اوہدے وانگوں دُوجیاں تے ظلم کرن۔ جدوں تک شیطان ایس ”‏دُنیا دا حاکم“‏ اے اوہدوں تک امن قائم نئیں ہو سکدا۔—‏یوحنا 12:‏31۔

•   خدا دی ”‏حکومت کسے ہور دے حوالے نئیں کیتی جائے گی سگوں اوہ ایہناں ساریاں حکومتاں نُوں ٹوٹے ٹوٹے کر کے ختم کر دَوے گی تے آپ ہمیشاں تک قائم رہوے گی۔“‏ (‏دانی‌ایل 2:‏44)‏ دُنیا دِیاں حکومتاں نئیں سگوں صرف خدا دی بادشاہی ای زمین تے ہمیشاں تک امن قائم کرن دی ساڈی خواہش نُوں پورا کرے گی۔—‏زبور 145:‏16۔