پاک کلام دا جواب

 اکثر ساڈے ذہن چ ایہہ سوال آندا اے کہ انسان کیوں مر دے نیں، خاص کر اوہدوں جدوں ساڈا کوئی عزیز فوت ہو جاندا اے۔ پاک کلام چ لکھیا اے ”‏اوہ ڈنگ جدی وجہ توں موت آندی اے، گُناہ اے “‏—‏1-‏کُرنتھیوں 15:‏56۔

سارے لوک کیوں گُناہ کر دے تے مردے نیں؟

 پہلے انساناں یعنی آدم تے حوا نے خدا دے خلاف گُناہ کیتا تے اِنج اپنی زندگی گنوا دِتی۔(‏پیدائش 3:‏17-‏19)‏اوہناں نے زندگی دے سر چشمے یعنی خدا دے خلاف بغاوت کیتی جدا نتیجہ صرف موت ہی ہو سکدا سی۔—‏زبور 36:‏9؛ پیدائش 2:‏17۔

 آدم نے اپنی ساری اولاد نُوں وی گُناہ دی بیماری ورثے چ دِتی۔ پاک کلام چ لکھیا اے:‏”‏اِک آدمی دے ذریعے گُناہ دُنیا چ آیا تے گُناہ دے ذریعے موت آئی تے موت سارے انساناں چ پھیل گئی کیونکہ ساریاں نے گُناہ کیتا۔“‏ (‏رومیوں 5:‏12)‏ سارے لوک ایس لئی مردے نیں کیونکہ ”‏ساریاں نے گُناہ کیتا اے۔“‏—‏رومیوں 3:‏23۔

موت نُوں کیویں ختم کیتا جائے گا؟

 خدا نے اِک ایہو جہے وقت دا وعدہ کیتا اے جدوں ”‏اوہ موت نُوں ہمیشاں لئی ختم کر دوے گا۔“‏ (‏یسعیاہ 25:‏8)‏ موت نُوں ختم کرن لئی اوہ ایہدی جڑ یعنی گُناہ نُوں ختم کر دوے گا۔ خدا یسوع مسیح دے ذریعے اِنج کرے گا ”‏جیہڑا دُنیا دے گُناہ دُور لے جاندا اے۔“‏—‏یوحنا 1:‏29؛ 1-‏یوحنا 1:‏7۔