Skip to content

Skip to secondary menu

Sabi-Sabi Yehuwa

Pamona

Njaa Poparenta Pue Ala Setu?

Njaa Poparenta Pue Ala Setu?

Ane paratandayami njaa setu . . .

  • re’e ri rayata?

  • samba’a tampa ri suruga?

  • poparenta ri suruga?

 NJAA ANU NATO’O RI SURA MAGALI

”I Pue Ala ri suruga mangampatunda samba’a kamokole anu da todo rantani masae-sae.”​—Danieli 2:44, Sura Magali Ri Basa Pamona Saeo-saeo.

”Samba’a ana tuama ndapoanakamo kita, kita ndawaika samba’a ana tuama . . . poparentanya da merontada ri Padika pai kayoa montepu’u se’i-se’i rantani masae-sae.”​—Yesaya 9:5, 6.

POYOWENYA RI KOMI

  • Komi datuwu ri kalindo ndaya ri poparenta anu benda geli.​—⁠Yesaya 48:17, 18.

  • Komi damangaepe kadonde koro pai kawongko ndaya ri lino dawo’u anu darata.​—⁠Pepatongawa ri Yohane 21:​3, 4..

 BARA MAYA KITA MAMPOAYA NJAA ANU NATO’O SURA MAGALI?

Iyo. Re’e radua kateto’onya:

  • Yesu roomo mantujuka kita njaa anu ndapowia poparenta Pue Ala. Sira mompaguru wa’a dompunya da mekakai danaka poparenta Pue Ala da jela. Danaka pepokonoMi tewianaka ri lino. (Matiu 6: ​9, 10) Yesu mawai pepatongawa pekakai setu danda sono.

    Ri tempo Yesu ri lino sira mampakoni tau anu maoro, mampaka’osa tau anu maju’a pai mampapembangu tau mate! (Matiu 15:​29-​38; Yohane 11:38-​44) Setu manganto’oka kita ri tempo darata ane Yesu mewali mokole tadungkadago ri Poparenta Pue Ala, sira damawianaka meruu gala dompunya.​—Pepatongawa ri Yohane 11:⁠15.

  • Polinota wawa se’i mangantuju Poparenta Pue Ala da ronga jela. Yesu manganto’o rikabare’enyapa Poparenta Pue Ala damampa jela podame ri lino, dare’e po’iwali, kaoro, pai lindugi ri lino se’i.​—⁠Matiu 24:​3, 7.

    Nce’e anu takita wawa se’i mewali, ta’ayamo Poparenta Pue Ala damampalisi pura-pura kaja’a ri lino se’i.

 ANU DANDA NAWA-NAWA

Njaa danaepe tau ri poparenta Pue Ala?

Sura Magali damasono peoasi ri POLINGA 37:29 pai YESAYA 65:​21-​23.