Skip to content

Skip to secondary menu

Skip to table of contents

Sabi-Sabi Yehuwa

Pamona

Pedongeka Pue Ala Danaka Tuwu Masae-Saenya

 TILA 3

Ewambe’i Katuwu ri Bonde Mparadesi?

Ewambe’i Katuwu ri Bonde Mparadesi?

Yehuwa mawaimo sondo popadonco ri Adama pai Hawa. Palaburu 1:28

Yehuwa mampapewali samba’a we’a, Hawa, pai ndawaika i Adama damewali rongonya.​—Palaburu 2:21, 22.

Yehuwa mampapewali tau se’e pai mawai ponawa-nawa, koro anu bere’e kasala.

Tau se’e meari ri bonde Mparadesi—kare’e anu goringkagayanya, re’e koronya, pu’u ngkaju anu mowua pai wa’a pinatuwu.

Yehuwa mompau ri tau se’e, mampaguru tau se’e. Ane medonge ri Sira, tau se’e datuwu masae-sae ribonde Mparadesi.

 Pue Ala mampetangani tau se’e mangkoni wua sampu’u kaju. Palaburu 2:16, 17

Yehuwa mampetangani Adama pai Hawa mangkoni wua sampu’u kaju anu re’e ri tongo bonde mparadesi. Ane nakoni tau se’e, tau se’e damate.

Samba’a malaeka maja’a maewa Pue Ala. Malaeka anu maja’a setu nce’emo Seta bara Ibilisi.

Seta benapokono Adama pai Hawa damedonge ri Yehuwa. Nce’e painaka Seta mampake samba’a ule damanto’oka i Hawa ane nakoni wua ngkaju setu, si’a beda mate paikanya damewali ewa i mPue Ala. Paikanya, ncetu lopu.​—Palaburu 3:1-5.