Skip to content

WASWE, SAMWAN DESIGNIM?

Spesol Hand Bilong Octopus

Spesol Hand Bilong Octopus

Olketa savveman wakem olketa niu samting wea mekem olketa doctor savve duim operation long man bat no need for katem hem tumas. Olketa designim datwan followim hand bilong octopus.

Tingim diswan: Octopus savve holem taet olketa samting witim eitfala hand bilong hem, nomata spes for hem duim datwan hem smol tumas. Hem savve barava bendim tumas olketa hand and long semtaem hem savve taetem samfala part bilong hand tu.

Olketa savveman sei for garem tul wea soft and wea savve bend olsem bae barava helpem olketa for operatim man bat no need for katem hem tumas for go insaed.

Lukim hand bilong octopus wea savve bend tumas

Olketa wakem wanfala robot hand olsem and iusim for practicem wanfala really operation. Datfala hand hem 13.5-centimeter. Wanfala sekson bilong datfala hand savve liftim and holem samfala samting insaed body long wei wea no spoelem olketa, then nara part bilong hand savve duim operation. Doctor  Tommaso Ranzani, wea hem member bilong team wea wakem datwan hem sei, “mifala bae gohed for trae wakem olketa nara hand wea bae gud winim diswan.”

Wanfala robot hand wea soft and wea savve bend olsem bae barava helpem olketa doctor for duim operation long sikman

Wanem nao tingting bilong iu? Waswe, hand bilong octopus wakem hemseleva, or samwan nao designim and wakem datwan?