Skip to content

Skip to secondary menu

Olketa Jehovah’s Witness

Solomon Islands Pidgin

Wanem Nao Tingting Bilong Iu Abaotem Bible?

Wanem Nao Tingting Bilong Iu Abaotem Bible?

Waswe, iu tingse hem . . .

  • buk wea garem tingting bilong olketa man nomoa?

  • buk wea fulap long olketa kastom story?

  • buk wea kam from God?

 BIBLE HEM SEI

“Evri toktok insaed long olketa Holy Raeting hem kam from God.”2 Timothy 3:16, Niu World Bible, Matthew-Revelation.

GUD SAMTING WEA IU SAVVE KASEM FROM DISWAN

Ansa for olketa important kwestin.Proverbs 2:1-5.

Gudfala advaes wea savve helpem iu evriday.Psalm 119:105.

Nambawan hope for future.Rome 15:4.

 WASWE, IUMI SAVVE TRUSTIM WANEM BIBLE TALEM?

Yes. Tingim thrifala reason:

  • Evri buk insaed Bible agree witim each other. Samting olsem 40 difren man nao raetem Bible insaed winim 1,600 year. Klosap evri man hia laef long difren taem and no savve long each other. Nomata olsem, evri buk insaed Bible agree witim each other and mekhae long nem bilong God and rul bilong hem!

  • Storyim really samting wea happen. Plande taem olketa man wea raetem history haedem story abaotem taem wea pipol bilong olketa lus long war. Bat olketa wea raetem Bible honest for raet abaotem mistek bilong olketa seleva and pipol bilong olketa tu.—2 Chronicles 36:15, 16; Psalm 51:1-4.

  • Olketa profesi kamap tru. Winim 700 year bifor Jesus hem born, Bible sei man wea God promis for sendem kam bae hem born long Bethlehem, wanfala smol taon long Judah. (Micah 5:2) Datwan nao taon wea Jesus born long hem!—Matthew 2:1, 3-9.

    Staka nara profesi long Bible kamap tru tu. Hem mas olsem nao bikos Bible hem kam from God!—2 Peter 1:21.

 SAMTING FOR TINGIM

Hao nao Bible savve helpem iu for garem gudfala laef?

Bible ansarem datfala kwestin long ISAIAH 48:17, 18 and 2 TIMOTHY 3:16, 17.