Dear Reader:

Waswe, iu feel klos long God? Planti pipol ting no eni wei stap for man kasem datwan. Samfala ting hem farawe tumas; olketa narawan ting olketa barava no fit for klos long God. Nomata olsem, Bible talem disfala loving toktok: “Kam klos long God, and hem bae kam klos long iu.” (James 4:8) Hemseleva talem disfala promis long olketa wea worshipim hem: “Mi, God bilong iu Jehovah, mi holem strong raet hand bilong iu, Datwan wea sei long iu, ‘No fraet. Mi nao bae helpem iu.’”—Isaiah 41:13.

Hao nao iumi savve trae hard for kasem diskaen klos wei for fren witim God? For wakem wei for fren, datfala wei for klos mas garem faondeson long wei for savve long man, for laekem and tinghae long olketa fasin bilong hem. So iumi mas studyim olketa fasin and wei bilong God wea stap insaed Bible. Iumi bae kam moa klos long God sapos iumi ting raonem hao Jehovah showimaot each wan long olketa fasin bilong hem, lukim perfect wei wea Jesus showimaot olketa semkaen fasin, and luksavve hao iumi tu savve mekem olketa fasin hia grow. Iumi bae lukim hao Jehovah nomoa fit evribit for Sovereign bilong universe. And tu, hem nao Father wea iumi evriwan needim. Hem strong, showimaot justice, hem wise and garem love, and no enitaem hem savve lusim olketa faithful pikinini bilong hem.

Mifala hope disfala buk bae helpem iu for kam moa klos long Jehovah God, for garem wei for fren witim hem wea bae nating savve finis, mekem iu savve laef for praisem hem for olowe.

Olketa wea Pablisim