Adam and Eve dae bikos tufala no obeyim God. Genesis 3:6, 23

Eve hem followim samting wea datfala snek talem and hem kaikaim frut bilong datfala tree. Bihaen, hem givim samfala long Adam and hem kaikaim.

Samting wea tufala duim hem no stret. Hem wanfala sin. God raosem tufala from hom bilong tufala wea hem Paradaes.

Laef hem hard for tufala and olketa pikinini bilong tufala. Gogo tufala olo and dae. Tufala no go long wanfala ples wea olketa spirit stap long hem, bat tufala nomoa nao.

 Olketa wea dae finis olketa kamap dust nomoa. Genesis 3:19

Iumi dae bikos iumi evriwan olketa pikinini bilong Adam and Eve. Olketa wea dae finis no savve lukim and no savve herem eni samting. Olketa no savve duim eni samting tu.—Ecclesiastes 9:5, 10.

Hem no plan bilong Jehovah for pipol dae. Klosap nao hem bae mekem olketa wea dae for laef bak moa. Sapos olketa followim wanem hem talem, olketa bae laef olowe.