Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Bible Story Buk Bilong Mi

Part 2: FROM FLOOD GO KASEM TAEM WEA ISRAEL KAMAP FREE FROM EGYPT

Part 2: FROM FLOOD GO KASEM TAEM WEA ISRAEL KAMAP FREE FROM EGYPT

Eitfala pipol nomoa laef thru long Flood, bat gogo olketa kamap plande thousand. Then, 352 year bihaen long Flood, Abraham hem born. Iumi bae lanem hao God hem fulfillim promis bilong hem taem hem givim Abraham wanfala son, Isaac. Then, from tufala son bilong Isaac, God hem chusim Jacob.

Jacob garem wanfala bigfala famili bilong 12-fala son and samfala dota. Tenfala son bilong Jacob heitim smol brata bilong olketa Joseph and salem hem olsem slave long Egypt. Bihaen, Joseph kamap wanfala important ruler bilong Egypt. Taem bigfala hangre kamap, Joseph testim olketa brata bilong hem for lukim sapos olketa changem fasin bilong olketa. Gogo, full famili bilong Jacob, olketa Israelite, muv go long Egypt. Diswan hem happen 290 year bihaen Abraham hem born.

For 215 year olketa Israelite stap long Egypt. Bihaen Joseph hem dae, olketa kamap slave long there. Gogo Moses hem born, and God iusim hem for mekem olketa Israelite kamap free from Egypt. Part TU hem story abaotem samting wea happen insaed long 857 year bilong history.

Famili bilong Jacob muv go long Egypt