VIEW
Raeting
Piksa

(Matthew 5:12)

  1. 1. Iumi garem nao staka reason

    For hapi and gud nius sharem.

    From distaem sheepsheep b’long God kamaot

    From world and iumi nao faendem.

    Disfala hapi hemi tru wan,

    Hem samting wea Bible givim.

    And evriday iumi laek readim.

    Faith kam from samting man herem.

    Olketa reason iumi hapi

    Hem gud and hem kam from antap.

    Nomata iumi kasem hard taem,

    Jah helpem man for no givap.

    (CHORUS)

    Jah nao iumi hapi long hem,

    Tinghae long samting hem wakem.

    Hem barava wise, Olmaeti, and gud,

    And bigfala love hem garem!

  2.  2. Samting wea iumi tinghae long hem

    Hem samting wea God hem wakem.

    Hem wakem earth, skae, and evri star,

    Fitim iumi for praisem hem.

    Iumi win for talemaot gud nius,

    Kingdom b’long Jehovah hem stap.

    And talemaot nao evri blessing

    Wea kam daon from heven antap.

    Long niu world nao iumi bae hapi,

    Diswan hem bae for olowe.

    Niu earth and niu skae bae hem mekem

    Iumi for hapi evriday.

    (CHORUS)

    Jah nao iumi hapi long hem,

    Tinghae long samting hem wakem.

    Hem barava wise, Olmaeti, and gud,

    And bigfala love hem garem!

(Lukim tu Deut. 16:15; Isa. 12:6; John 15:11.)