Hu nao Satan?

WASWE, BAE IU SEI Satan hem . . .

  • Wanfala spirit?

  • Piksarem nogud wei bilong man?

  • No stap?

BIBLE HEM SEI

Satan hem story witim Jesus and hem “traem” Jesus. (Matthew 4:1-4) So datwan pruvim Satan hem stap and hem no piksarem nogud wei bilong man. Hem wanfala nogud angel.

WANEM NAO OLKETA NARA SAMTING WEA IUMI SAVVE LANEM FROM BIBLE?

  • Firstaem Satan hem wanfala gud angel, bat “hem no laekem samting wea tru.” (John 8:44) Hem kamap man for laea and hem againstim God.

  • Samfala nara angel saedem Satan for againstim God.—Revelation 12:9.

  • Satan blindim mind bilong staka pipol for mekem olketa tingse hem no stap.—2 Corinth 4:4.

Waswe, Satan savve kontrolem pipol?

SAMFALA TINGSE Satan hem no savve kontrolem iumi, bat olketa narawan fraet nogud olketa demon spoelem olketa. Hao nao tingting bilong iu abaotem datwan?

BIBLE HEM SEI

“Full world hem stap long paoa bilong Satan.” (1 John 5:19) So Satan hem garem bigfala paoa, bat hem no savve kontrolem evri man.

WANEM NAO OLKETA NARA SAMTING WEA IUMI SAVVE LANEM FROM BIBLE?

  • Satan hem iusim olketa trik for mekem pipol duim wanem hem laekem.—2 Corinth 11:14.

  • Olketa nogud spirit kontrolem samfala pipol.—Matthew 12:22.

  • God savve helpem iumi for “againstim Devil.”—James 4:7.