Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Wastaoa—Study Magasin  |  October 2015

“Iufala Gohed for Tinghae Long Olketa Man Olsem”

“Iufala Gohed for Tinghae Long Olketa Man Olsem”

START long 1992, Governing Body markem samfala mature elder wea stap long truth for longfala taem for kamap helper bilong Governing Body. * Olketa brata hia, olketa bilong “nara sheepsheep,” and olketa duim staka samting for helpem Governing Body duim waka bilong olketa. (John 10:16) Evri week olketa attendim meeting bilong komiti wea olketa insaed long hem. Waka bilong olketa helper hia hem for provaedem information wea komiti needim and talemaot samfala idea for helpem datfala komiti. Olketa Governing Body member long datfala komiti nao disaedem evri samting, and then olketa helper hia duim samting wea datfala komiti disaedem. Olketa helper hia willing for duim eni assignment wea olketa kasem. Olketa travel witim olketa member bilong Governing Body long olketa spesol and international convention. And tu, samfala kasem assignment for kamap hedquarter representative for go visitim samfala branch office.

Wanfala brata wea hem helper start kam long 1992, hem sei: “Taem mi duim assignment bilong mi, datwan mekem Governing Body garem moa taem for tingim olketa spiritual samting for helpem pipol bilong God.” Nara brata wea hem helper for 20 year finis, hem sei: “Hem wanfala nambawan privilege for duim disfala waka.”

Governing Body markem olketa helper hia for duim barava important waka, and olketa tinghae long bigfala waka wea olketa faithful brata hia duim. Iumi evriwan shud “gohed for tinghae long olketa man olsem.”—Phil. 2:29.

^ par. 2 Lukim box wea garem title “How the Governing Body Cares for Kingdom Interests” long chapter 12 long buk, God’s Kingdom Rules! wea storyim waka wea sixfala komiti bilong Governing Body duim.