Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  October 2017

 LAEF BILONG CHRISTIAN

Iusim Laef Bilong Iumi for Praisem Jehovah!

Iusim Laef Bilong Iumi for Praisem Jehovah!

Laef hem wanfala present from Jehovah. Hao iumi iusim laef bilong iumi showimaot sapos iumi tinghae long datfala present or nomoa. Iumi Olketa Jehovah’s Witness laek for iusim savve and strong bilong iumi for mekhae long Jehovah God wea givim iumi laef. (Ps 36:9; Re 4:11) Nomata olsem, olketa samting long laef savve mekem iumi busy tumas gogo iumi no garem taem for duim olketa spiritual samting. (Mr 4:18, 19) Hem gud for iumi evriwan tingim olketa kwestin hia: Waswe, mi duim best bilong mi for Jehovah? (Ho 14:2) Waswe, waka for selen nao main samting long laef bilong mi? Wanem nao olketa spiritual goal bilong mi? Waswe, mi savve duim moa samting long ministry? Sapos iu luksavve iu need for changem samfala samting long laef bilong iu, prea long Jehovah for helpem iu duim datwan. Wei for praisem Jehovah evriday bae mekem iumi hapi and satisfae!—Ps 61:8.

Waswe, iu iusim savve bilong iu for disfala world or for Jehovah?

LUKIM VIDEO IUSIM SAVVE BILONG IUMI FOR JEHOVAH, AND THEN ANSAREM OLKETA KWESTIN LONG DAON:

  • Why nao hem no wise for iusim savve and strong bilong iumi long world bilong Satan? (1Jo 2:17)

  • Wanem nao samfala blessing iumi bae kasem taem iumi duim best bilong iumi for Jehovah?

  • Iu savve iusim savve and strong bilong iu for volunteer for duim wanem kaen waka for Jehovah?