Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  October 2016

Hao for Offerim Pablikeson

Hao for Offerim Pablikeson

AWAKE!

Kwestin: Samfala pipol sei Jesus no stap long earth bifor, bat olketa narawan bilivim hem stap. Olketa narawan sei no eni samting stap for pruvim datwan. Hao nao tingting bilong iu?

Offerim magasin: Disfala Awake! magasin storyim samfala samting abaotem datwan.

TEACHIM TRUTH LONG PIPOL

Kwestin: Wanem nao happen long iumi taem iumi dae?

Scripture: Joh 11:11-14

Truth: Taem man hem dae, hem finis nao. So iumi no need for fraetem man wea dae. Jesus storyim man wea dae olsem man wea sleep. Jesus bae “wekapem” olketa wea dae finis for laef bak long earth, olsem hem duim long Lazarus.—Job 14:14.

KONGREGESON MEETING INVITATION (inv)

Offerim invitation: Mi invaetem iu for kam herem wanfala Bible tok, wea bae kamap long Kingdom Hall bilong mifala. [Givim meeting invitation long hem, showim hem taem and ples for meeting, and talem hem title bilong datfala tok.]

Kwestin: Waswe, enitaem bifor iu kam long Kingdom Hall bilong mifala? [Sapos fitim, showim datfala video Wanem Nao Olketa Duim Long Wanfala Kingdom Hall?]

RAETEM IDEA BILONG IUSELEVA

Followim olketa example hia and raetem idea bilong iuseleva for offerim olketa pablikeson.