Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  October 2016

 GUD SAMTING FROM BIBLE | PROVERBS 12-16

Wisdom Hem Gud Winim Gold

Wisdom Hem Gud Winim Gold
VIEW
Raeting
Piksa

Why nao hem gud for iumi garem wisdom? Wisdom savve protectim iumi and savve helpem iumi for no garem olketa nogud wei. Wisdom helpem iumi for talem toktok wea fitim and for duim stret samting.

Wisdom helpem iumi for no praod

16:18, 19

  • Man wea wise luksavve wisdom hem kam from Jehovah

  • Olketa wea savve tumas hao for duim samting or wea garem hae position mas no praod

Wisdom helpem iumi for talem toktok wea fitim

16:21-24

  • Man wea wise tingim gud saed bilong narawan and bae storyim datwan

  • Wise toktok savve encouragem narawan and hem swit olsem honey, wea minim hem no mekem narawan feel nogud or kros