Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  October 2016

 LAEF BILONG CHRISTIAN

Hao for Givim Gudfala Koment

Hao for Givim Gudfala Koment

Taem iumi givim gudfala koment datwan savve strongim olketa narawan long kongregeson. (Ro 14:19) And wei for givim koment savve helpem iumi tu. (Pr 15:23, 28) So hem gud for iumi trae for givim wanfala koment long evri meeting. Bat hard for olketa kolem iumi for ansa evritaem iumi apim hand. Dastawe hem gud for iumi redyim tu-thri koment.

Taem iumi givim koment . . .

  • hem shud simpol, klia, and short. Staka taem hem gud sapos koment hem no winim 30 second

  • hem gud sapos iumi talem long toktok bilong iumiseleva

  • iumi shud no storyim sem samting wea narawan storyim finis

Sapos iu nao first wan for givim ansa, . . .

  • talem ansa wea simpol and klia

Sapos narawan ansarem finis kwestin, iu savve . . .

  • storyim scripture wea sapotim datwan

  • storyim hao nao datwan hem fitim iumi

  • explainim hao iumi savve iusim datfala information for helpem narawan

  • talem shortfala experience for mekhae long main point