Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  November 2017

 LAEF BILONG CHRISTIAN

Kamap Gud Long Ministry—Duim Olketa Return Visit

Kamap Gud Long Ministry—Duim Olketa Return Visit

WHY HEM IMPORTANT: Staka pipol wea lisin long Kingdom message laek for savve olketa tru samting abaotem God. (Isa 55:6) Iumi mas go bak for lukim olketa staka taem for isisi teachim olketa moa samting abaotem Jehovah. From pipol garem olketa difren problem long laef, bae iumi helpem olketa long olketa difren wei. So hem gud for prepare firstaem and tingim hao for helpem olketa bifor iumi go lukim olketa, and tu, iumi laek for garem goal for startim Bible study.

HAO FOR DUIM:

  • Trae for go bak kwiktaem, maet bihaen tu-thri day.—Mt 13:19

  • Kaen and showimaot respect. No fraet

  • Showimaot iu hapi for lukim hem and iusim nem bilong hem. Explainim moa why iu kam bak for lukim hem, maet from iu bae ansarem wanfala kwestin, for givim hem niu magasin, showim hem website, pleim video, or for showim hem hao for duim Bible study. Sapos hem laek storyim difren samting, hem olraet for changem story bilong iu.—Php 2:4

  • Helpem datfala return visit long wei for storyim samting from Bible or maet iu givim hem wanfala pablikeson. (1Co 3:6) Trae for kamap fren bilong hem

  • Askem wanfala kwestin or talem point wea iutufala bae storyim long next return visit.