Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  November 2016

 LAEF BILONG CHRISTIAN

“Staka Pipol Savve Long Hasband Bilong Hem Long Olketa Gate Long Taon”

“Staka Pipol Savve Long Hasband Bilong Hem Long Olketa Gate Long Taon”

Gudfala waef bae mekem pipol tinghae long hasband bilong hem. Long taem bilong King Lemuel, gudfala waef savve mekem “staka pipol savve long hasband bilong hem long olketa gate long taon.” (Pr 31:23) Long distaem, pipol respectim olketa elder and ministerial servant. Sapos olketa marit, wei wea olketa fit for duim disfala waka hem depend tu long gudfala wei and sapot bilong waef bilong olketa. (1Ti 3:4, 11) Olketa hasband wea garem gudfala waef tinghae long waef bilong olketa, and olketa long kongregeson tu.

Gudfala waef helpem hasband for duim waka long kongregeson taem hem . . .

  • encouragem and tok kaen long hem.—Pr 31:26

  • sapotim hasband taem hem helpem olketa narawan long kongregeson.—1Th 2:7, 8

  • satisfae long wanem famili garem.—1Ti 6:8

  • no askem hasband for talem hem olketa samting wea olketa elder nomoa shud savve.—1Ti 2:11, 12; 1Pe 4:15