Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  May 2016

 LAEF BILONG CHRISTIAN

Waswe, Iu Iusim Datfala App JW Library?

Waswe, Iu Iusim Datfala App JW Library?

JW Library hem wanfala free app wea iu savve iusim for daonlodim Bible and olketa nara pablikeson, video, and audio recording long mobile, tablet, or computer bilong iu.

HAO FOR KASEM DISFALA APP: Go long eni app store long internet and daonlodim JW Library. Iu savve daonlodim disfala app mobile or tablet. Then, openim datfala app, and chusim olketa pablikeson iu laek for daonlodim long mobile or tablet bilong iu. Sapos iu no garem internet, maet iu savve go long ples wea garem internet, or maet iu savve bluetooth long diswan from mobile bilong narawan. Bihaen iu daonlodim olketa pablikeson long mobile or tablet bilong iu, iu no need for connect go long internet moa for lukluk long olketa. Nomata olsem, hem gud for go long internet samfala taem for kasem olketa update for JW Library.

HAO DISWAN SAVVE HELPEM IU: Iu savve iusim JW Library taem iu duim study seleva and long olketa meeting. Iu savve iusim long ministry tu, especially taem iu duim enitaem witnessing.