Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  March 2017

 GUD SAMTING FROM BIBLE | JEREMIAH 12-16

Olketa Israelite Forgetim Jehovah

Olketa Israelite Forgetim Jehovah

God talem Jeremiah for duim samting wea no isi. Wanem hem duim showimaot Jehovah bae panisim pipol long Judah and Jerusalem bikos olketa bighed and praod.

Jeremiah baem wanfala belt

13:1, 2

  • From man savve putim belt raonem bele bilong hem datwan piksarem wei wea olketa Israelite fit for fren gud witim Jehovah

Jeremiah tekem datfala belt long area bilong Euphrates River

13:3-5

  • Hem haedem datwan insaed long hol long wanfala big ston long there, and then hem go bak long Jerusalem

Jeremiah go bak moa long Euphrates River for tekem bak datfala belt

13:6, 7

  • Datfala belt hem nogud nao

Bihaen Jeremiah duim olketa samting hia, Jehovah explainim nao mining bilong datwan

13:8-11

  • Jeremiah duim wanem Jehovah talem hem, nomata maet hem luk olsem hem no important and Jehovah iusim datwan for teachim olketa Israelite.