Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  June 2017

 LAEF BILONG CHRISTIAN

Waswe, Iu Barava Trustim Olketa Promis Bilong Jehovah?

Waswe, Iu Barava Trustim Olketa Promis Bilong Jehovah?

Joshua and Solomon talem hao evri promis bilong Jehovah hem kamap tru. (Jos 23:14; 1Ki 8:56) Tufala hia nao olsem witness and datfala toktok strongim go moa faondeson bilong faith bilong iumi.—2Co 13:1; Tit 1:2.

Long taem bilong Joshua, hao nao Jehovah mekem olketa promis bilong hem kamap tru? Firstaem, iu and famili bilong iu lukluk long video ‘Evri Toktok Bilong God Kamap Tru.’ Then story raonem olketa kwestin hia: (1) Hao nao iu savve followim example bilong Rahab for showimaot faith? (Heb 11:31; Jas 2:24-26) (2) Hao nao samting wea Achan duim hem showimaot wei for no laek obeyim Jehovah savve mekem man kasem bigfala trabol? (3) Nomata olketa man bilong Gibeon olketa man for faet, why nao olketa laea long Joshua and mekem peace witim Israel? (4) Hao nao toktok bilong Jehovah hem kamap tru taem faevfala king bilong olketa Amorite laek faetem Israel? (Jos 10:5-14) (5) Wanem nao Jehovah duim for iu taem iu putim Kingdom and olketa samting wea hem sei hem stret olsem first samting long laef bilong iu?—Mt 6:33.

Taem iumi ting raonem olketa samting wea Jehovah duim bifor, distaem, and long future, bae faith bilong iumi long olketa promis bilong hem strong go moa.—Ro 8:31, 32.

Waswe, iu garem faith olsem Joshua?