Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  June 2017

 GUD SAMTING FROM BIBLE | JEREMIAH 51-52

Evri Samting wea Jehovah Talem Hem Kamap Tru

Evri Samting wea Jehovah Talem Hem Kamap Tru

Jehovah talem barava samting wea bae happen

Soldia bilong King bilong Persia wea iusim bow and arrow

“Mekem olketa arrow shaen”

51:11, 28

  • Olketa bilong Media and Persia savve tumas for iusim bow and arrow and hem main weapon bilong olketa. Olketa rabem olketa arrow bilong olketa mekem olketa shaen mekem taem olketa sutim, hem go deep insaed man.

“Olketa soldia bilong Babylon no savve faet nao”

51:30

  • Datfala ston wea olketa kolem Nabonidus Chronicle hem sei: “Taem army bilong Cyrus go insaed long Babylon olketa no need for faet.” Diswan hem semsem tu witim datfala profesi wea Jeremiah talem

Nabonidus Chronicle

“Babylon bae kamap olketa hip ston [and] bae emti for olowe”

51:37, 62

  • Long 539 B.C.E., Media and Persia tekovarem Babylon. Bihaen datwan Alexander the Great laek for mekem Babylon kamap kapitol, bat seknomoa hem dae. Long taem bilong olketa Christian, samfala Jew stap yet long Babylon, dastawe Peter go long Babylon. Bat winim 300 year bihaen datwan, Babylon distroe nao and no eniwan stap long there moa

Taem mi luksavve Bible profesi hem kamap tru, hao nao diswan shud affectim mi?

 

Hao nao mi savve iusim disfala profesi for teachim narawan?