Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  June 2017

 LAEF BILONG CHRISTIAN

Barava Laek for Preachim Gud Nius

Barava Laek for Preachim Gud Nius

Waswe, enitaem iu faendem hem no isi for duim preaching waka? Staka long iumi bae sei yes. Why nao olsem? Maet staka taem pipol no laek for lisin long iumi or olketa kros long iumi or maet iumi fraet for story long difren pipol. Tru nao, olketa samting hia savve mekem iumi for no laek go preaching. Bat iumi worshipim God wea hapi and wea laekem iumi for hapi taem iumi duim waka bilong hem. (Ps 100:2; 1Ti 1:11) Wanem nao thrifala samting wea bae helpem iumi for hapi for duim preaching waka?

First samting, iumi talemaot message wea givim pipol hope. Plande pipol distaem no garem hope, bat iumi helpem pipol for savve long “gud nius abaotem olketa gudfala samting.” (Isa 52:7) Disfala gud nius abaotem Kingdom bilong God savve helpem iumi tu for hapi. Bifor iu go preach, ting raonem olketa nambawan samting wea Kingdom bilong God bae duim long disfala earth.

Mek-tu samting, gud nius wea iumi preach abaotem savve helpem pipol distaem and long future. Olketa bae lane for lusim olketa nogud wei and savve kasem laef olowe. (Isa 48:17, 18; Ro 1:16) Hem olsem taem man go for faendem and sevem pipol long taem bilong disaster. Nomata samfala pipol no laekem iumi for helpem olketa, iumi gohed for lukaotem olketa wea laekem datwan.—Mt 10:11-14.

Mek-thri samting wea barava important, preaching waka mekhae long Jehovah. Hem tinghae tumas long wei wea iumi preach abaotem hem. (Isa 43:10; Heb 6:10) And tu, hem givim iumi holy spirit for helpem iumi for duim disfala waka. So askem Jehovah for holy spirit bikos datwan savve helpem iumi for hapi. (Ga 5:22) Hem savve helpem iumi no wari and no fraet for preach. (Ac 4:31) So, nomata iumi meetim pipol wea les or wea laek for herem message, iumi bae barava laek duim waka bilong iumi for preach.—Eze 3:3.

Which piksa nao showimaot feeling wea iu laek garem long ministry? Wanem nao bae helpem iu for hapi?

LUKIM VIDEO, WEI FOR STUDY AND TING RAONEM BIBLE BAE MEKEM IU HAPI MOA, AND THEN ANSAREM OLKETA KWESTIN HIA:

  • Nomata iumi kasem staka hour long preaching waka each month, why nao hem important for study seleva?

  • Wanem nao iumi savve duim for followim example bilong Mary?

  • Wanem taem nao iu markem for ting raonem olketa toktok bilong God long Bible?

  • Wanem nao mekem iu hapi taem iu duim preaching waka?