WHY HEM IMPORTANT:

Taem pipol lukluk long olketa video, datwan savve kasem heart bilong olketa. Olketa no savve forgetim wanem olketa lukim and herem. Jehovah showimaot gudfala example long wei for iusim wanem pipol savve lukim for teachim olketa.—Ac 10:9-16; Re 1:1.

Taem iumi studyim leson 2 and 3 bilong Gud Nius brochure, iumi savve showim olketa video hia: Does God Have a Name?, Who Is the Author of the Bible?, and How Can We Be Sure the Bible Is True? Olketa video, Why Nao Hem Gud for Studyim Bible?, Hao Nao Mifala Conductim Wanfala Bible Study?, and Wanem Nao Olketa Duim Long Wanfala Kingdom Hall? savve encouragem pipol for studyim Bible and for attendim olketa meeting. Iumi savve showim tu samfala movie bilong iumi long olketa Bible study bilong iumi.—km 5/13 3.

WANEM FOR DUIM:

  • Daonlodim video wea iu laek for showim long haosholder

  • Redyim wan or tufala kwestin wea ansa bilong olketa stap long datfala video

  • Lukluk long datfala video witim hem

  • Storyim olketa main point

SAMFALA IDEA:

  • Storyim QR code bihaen eni tract wea haosholder savve iusim for link go long jw.org for lukim video Why Nao Hem Gud for Studyim Bible?

  • Showim video How Can We Be Sure the Bible Is True? then storyim leson 3 long Gud Nius brochure and offerim brochure