Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  July 2016

 LAEF BILONG CHRISTIAN

Wei for Mekem Laef Simpol Helpem Iumi for Praisem God

Wei for Mekem Laef Simpol Helpem Iumi for Praisem God

Long world distaem staka samting stap wea savve mekem iumi busy tumas. Hem tekem staka taem and strong bilong iumi for peim, iusim, and trae for lukaftarem olketa material samting wea iumi garem. Jesus mekem laef bilong hem simpol dastawe hem garem staka taem for duim ministry and no eni samting pullim tingting bilong hem.—Mt 8:20.

Hao nao iu savve mekem laef bilong iu simpol mekem iu savve duim moa samting long ministry? Waswe, famili savve changem samfala samting mekem wanfala insaed famili savve duim pioneer waka? Nomata sapos distaem iu long full-taem service, waswe, iu start for letem olketa material samting mekem iu busy? Man wea garem simpol laef and duim waka bilong Jehovah bae hapi and satisfae.—1Ti 6:7-9.

Raetem wanem iu savve duim for mekem laef bilong iu simpol.