Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  January 2018

 LAEF BILONG CHRISTIAN

Wanem Nao Iu Savve Duim for Stretem Problem Witim Brata Bilong Iu?

Wanem Nao Iu Savve Duim for Stretem Problem Witim Brata Bilong Iu?

Tingim sapos iu stap long Galilee long taem bilong Jesus. Iu travel go long Jerusalem for celebratem festival bilong olketa smol leaf haos. Jerusalem hem fulap witim olketa nara Christian wea kam from olketa farawe ples. Iu laek for givim sakrifaes long Jehovah. So iu leadim wanfala goat and go followim olketa road long datfala taon wea staka pipol tu wakabaot followim and go ap long temple. Taem iu arrive long temple, staka pipol long there finis wea laekem tu for givim sakrifaes bilong olketa. Gogo hem kasem taem bilong iu nao for givim goat bilong iu long olketa priest. Long datfala taem nao, iu tingim brata bilong iu hem feel nogud long iu. Maet hem midolwan long olketa pipol hia or hem eniwea long datfala taon. Jesus hem talem wanem iu shud duim. (Readim Matthew 5:24.) Wanem nao iu and brata bilong iu wea feel nogud long iu shud duim for followim wanem Jesus talem? Long tufala list long daon, tickim ansa wea stret.

IU SHUD . . .

  • story nomoa witim brata bilong iu sapos iu tingse hem garem gudfala reason for kros

  • trae for stretem tingting bilong brata bilong iu from iu tingse hem smol samting nomoa for hem feel nogud long hem or hem tu kasem blame for datfala problem

  • lisin gud taem brata bilong iu storyim tingting bilong hem, and nomata iu no minim hem gud, talem hem iu sorre from iu mekem hem feel nogud and sei sorre for eni nogud samting wea kasem hem bikos long wanem iu duim

BRATA BILONG IU SHUD . . .

  • storyim long olketa narawan long kongregeson datfala nogud samting wea iu duim long hem mekem olketa savve saedem hem

  • tok strong long iu, storyim moa evri samting wea mekem problem hia kamap, and sei for iu mas talem iu nao rong

  • tinghae long wei wea iu hambol and no hol bak for kam story witim hem and hem willing for forgivim iu

Nomata iumi no sakrifaesim animal distaem long worship bilong iumi, hao nao samting wea Jesus talem showimaot wei for stap gud witim olketa brata bilong iumi hem join witim worship bilong iumi for God?