Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  January 2017

 LAEF BILONG CHRISTIAN

Gohed Prea for Olketa Christian wea Kasem Persecution

Gohed Prea for Olketa Christian wea Kasem Persecution

Bible profesi abaotem wei wea Satan bae spoelem iumi bikos hem laek for mekem hem hard for iumi duim ministry bilong iumi. (Joh 15:20; Re 12:17) Hao nao iumi savve helpem olketa Christian wea kasem persecution long olketa nara kantri? Iumi savve prea for olketa. Bible sei: “Prea bilong man wea raeteous hem garem paoa and hem savve barava helpem pipol.”—Jas 5:16.

Wanem nao iumi savve talem taem iumi prea for olketa? Iumi savve askem Jehovah for strongim olketa brata and sista bilong iumi, and for helpem olketa for no fraet. (Isa 41:10-13) Iumi savve prea tu for olketa bigman long gavman for no stopem preaching waka bilong iumi mekem “iumi savve garem kwaet laef.”—1Ti 2:1, 2.

Taem Paul and Peter kasem persecution, olketa Christian long first century prea and talem nem bilong tufala. (Ac 12:5; Ro 15:30, 31) Nomata iumi no savve long nem bilong evriwan wea kasem persecution distaem, taem iumi prea iumi savve talem nem bilong kongregeson, kantri, or ples wea olketa stap.

Raetem samfala kantri wea olketa Christian kasem persecution and iu bae prea for olketa.