Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  February 2017

 LAEF BILONG CHRISTIAN

Hapi Long Hope wea Iu Garem

Hapi Long Hope wea Iu Garem

Hope hem olsem wanfala anka. (Heb 6:19) Hope savve helpem iumi for garem strongfala faith taem iumi kasem hard taem, olsem anka hem mekem ship for no rek long taem bilong bigfala wind. (1Ti 1:18, 19) Olketa hard taem hia nao, olketa mistek bilong iumi, lusim olketa material samting, sik wea gohed for longfala taem, famili member hem dae, or eni nara samting wea savve mekem faith bilong iumi wikdaon.

Taem iumi garem faith and hope, datwan mekem iumi tingim olketa blessing wea Jehovah promisim hem really samting long iumi. (2Co 4:16-18; Heb 11:13, 26, 27) So nomata iumi garem hope for go long heven or for stap long earth, wei for evritaem ting raonem olketa promis long Bible bae strongim hope wea iumi garem. Then, taem iumi kasem hard taem, bae iumi no lusim hapi bilong iumi.—1Pe 1:6, 7.

LUKIM VIDEO HAPI LONG HOPE WEA IU GAREM, AND THEN ANSAREM OLKETA KWESTIN HIA:

  • Wanem gudfala example nao Moses showimaot for iumi?

  • Wanem nao responsibility bilong olketa famili hed?

  • Wanem nao samfala project wea famili savve duim long Famili Worship bilong olketa?

  • Hao nao hope savve helpem iu for no givap taem iu kasem hard taem?

  • Wanem nao iu luk forward long hem?