Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  February 2017

 LAEF BILONG CHRISTIAN

Iusim Olketa Bible Pablikeson Long Wisefala Wei

Iusim Olketa Bible Pablikeson Long Wisefala Wei

Jesus sei: “Samting wea iufala kasem hem free nomoa, so iufala mas no askem selen for samting wea iufala duim.” (Mt 10:8) Iumi followim datfala toktok bilong Jesus taem iumi no salem Bible or olketa Bible pablikeson bilong iumi. (2Co 2:17) Nomata olsem, olketa pablikeson hia storyim olketa nambawan truth wea stap insaed long Bible. Organization bilong Jehovah duim bigfala waka and spendem staka selen for printim and sendem olketa pablikeson hia long olketa kongregeson evriwea long world. So iumi shud tekem olketa pablikeson wea iumi bae iusim nomoa.

Iusim gudfala tingting and no sharemaot olketa pablikeson hia long eniwan nomoa, nomata taem iumi duim pablik witnessing tu. (Mt 7:6) Iumi no givim nomoa olketa pablikeson long pipol wea go pas, bat bae iumi trae for story witim olketa mekem iumi luksavve sapos olketa barava interest. Waswe, datfala man hem duim eni samting wea disfala box storyim? Sapos iu no sure hem interest or nomoa, hem gud for givim hem wanfala tract. Bat sapos hem ask for wanfala magasin or eni nara pablikeson, iumi savve givim long hem.—Pr 3:27, 28.