Jehovah sei man and woman wea marit shud stap tugeta. (Ge 2:22-24) Only reason for divorce hem sapos wanfala durong. (Mal 2:16; Mt 19:9) Jehovah laekem olketa wea marit for hapi, so hem givim olketa principle long Bible for helpem olketa Christian for chusim gud hu nao olketa bae maritim and for helpem olketa for hapi bihaen olketa marit.—Ec 5:4-6.

LUKIM VIDEO WHAT IS TRUE LOVE?, AND THEN ANSAREM OLKETA KWESTIN HIA:

  • Why nao samting wea Frank and Bonnie talem for stretem dota bilong tufala, Liz, showimaot tufala wise and lovem hem?

  • Why nao hem no stret for tingse iu savve changem wei bilong samwan wea iu frenim?

  • Wanem gudfala advaes nao Paul and Priscilla givim long Liz?

  • Why nao Zach and Megan garem olketa problem long marit bilong tufala?

  • Wanem nao samfala spiritual goal wea John and Liz interest long hem?

  • Why nao iu shud savve long ‘samting wea long heart bilong samwan’ bifor iu disaed for maritim hem? (1Pe 3:4)

  • Wanem nao really love? (1Co 13:4-8)