Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  December 2016

Hao for Offerim Pablikeson

Hao for Offerim Pablikeson

AWAKE!

Kwestin: Staka pipol laek for stap healthy. Long tingting bilong iu, wanem nao iumi savve duim for stap healthy?

Scripture: Pr 22:3

Offerim magasin: Disfala Awake! magasin storyim wanem iumi savve duim mekem iumi no sik olowe.

TEACHIM TRUTH LONG PIPOL

Kwestin: Waswe, God nao mekem iumi for safa or eni difren samting?

Scripture: Job 34:10

Truth: No enitaem God hem duim nogud samting for mekem iumi safa. Bat wei wea pipol safa hem kam from Devil, and from man seleva tu duim nogud samting. And tu, samfala taem man hem safa from samting wea hem no expectim hem happen. Taem iumi safa, God hem redi for helpem iumi. Hem barava lovem iumi.

WHY NAO HEM GUD FOR STUDYIM BIBLE? (Video)

Kwestin: Waswe, God nao kontrolem disfala world? [Weit for hem ansa.] Maet bae iu sapraes for savve long wanem Bible talem. Disfala short video hem storyim datwan. [Pleim video.]

Offerim buk: Long chapter 11 bilong disfala buk hem storyim why God letem wei for safa gohed and samting wea hem bae duim for finisim datwan. [Offerim Wanem Bible Teachim buk.]

RAETEM IDEA BILONG IUSELEVA

Followim olketa example hia and raetem idea bilong iuseleva for offerim olketa pablikeson.